बजाजनगरात कॅरीबॅगचा सर्रास वापर

-----------------------------

वाळूजला मोकाट जनावरे वाढली

वाळूज महानगर : वाळूजला मोठ्या प्रमाणात मोकाट जनावरे वाढल्याने नागरिक व वाहनधारकांना त्रास सहन करावा लागत आहे. नागरी वसाहतीत मोकाट जनावरांचा मुक्त संचार असून, ही मोकाट जनावरे लहान मुले व महिलांच्या अंगावर धावून जातात. मोकाट जनावरांकडून घरासमोरील झाडेही फस्त केली जात आहेत. अनेकदा ही जनावरे रस्त्यावर ठाण मांडून बसत असल्याने ये-जा करणाऱ्यांना अडचणीचा सामना करावा लागत आहे.

--------------------

सिडको स्मशानभूमी रोडवर अस्वच्छता

वाळूज महानगर : सिडको वाळूज महानगरील स्मशानभूमी रोडवर कचऱ्याचे ढिगारे साचल्याने सर्वत्र दुर्गंधी पसरत आहे. बजाजनगरातून सिडकोकडे जाणाऱ्या या रस्त्यावर भाजी-विक्रते व विविध व्यावसायिक केरकचरा आणून टाकतात. वाऱ्यामुळे केरकचरा रस्त्यावर पसरत असून ये-जा करणाऱ्यांना दुर्गंधीचा त्रास सहन करावा लागत आहे.

---------------------