औरंगाबादकरांनो काळजी घ्या, स्वाइन फ्लूने २१ वर्षीय तरुणीचा मृत्यू 

जिल्ह्यात स्वाइन फ्लूचा विळखा वाढत असून आतापर्यंत या आजारामुळे दोन जणांचा मृत्यू झाला आहे.

औरंगाबाद : औरंगाबाद जिल्ह्यात स्वाइन फ्लूमुळे २१ वर्षीय तरुणीचा मृत्यू झाल्याची धक्कादायक माहिती शनिवारी समोर आली. 

जिल्ह्यात स्वाइन फ्लूचा विळखा वाढत असून आतापर्यंत या आजारामुळे दोन जणांचा मृत्यू झाला आहे. महापालिकेच्या आरोग्य विभागाकडून आवश्यक ती खबरदारी आणि नागरिकांमध्ये जनजागृती केली जात आहे. निदान झालेल्या स्वाइन फ्लू रुग्णांसाठी टॅमी फ्लूच्या गोळ्या देण्यात आल्या आहेत. मनपाच्या ५ केंद्रांमध्ये लसही उपलब्ध आहे. नागरिकांनी कोरोनाप्रमाणे आताही काळजी घेण्यावर भर द्यावा, असे आवाहन आरोग्य अधिकाऱ्यांनी केले आहे.