...अन् गुंडेवार यांचा पदभार काढला

नर्सी नामदेव : येथील जिल्हा परिषद शाळेत शिक्षक विरूद्ध मुख्याध्यापक असे वातावरण तापले होते. परिणामी, विद्यार्थ्यांच्या शिक्षणाचा प्रश्न निर्माण झाला होता. वरिष्ठांकडे तक्रार केली असता त्यांनी गुंडेवार यांचा पदभार काढून गटशिक्षणाधिकारी एस. एस. जगताप यांच्याकडे सोपविला आहे.
हिंगोली तालुक्यातील नर्सी येथील जिल्हा परिषदेची शाळा पूर्वीपासून चांगल्या स्थितीत होती. त्यात मुख्याध्यापकही नियोजनात्मक कार्यरत होते. परंतु मागील सात वर्षांपासून येथील शाळेचे मुख्याध्यापकाचे पद रिक्त असल्यामुळे विद्यार्थी व शिक्षकांवर वचक रहिला नाही. त्यामुळे शाळेत अनेक अडचणी येत आहेत. परिणामी, शाळेतील मुख्ध्यापक विरूद्ध शिक्षक असे वातावरण झाले. त्यामुळे शिक्षक विरूद्ध प्रभारी मुख्याध्यापक गट तयार झाला. तर प्रभारी हे मानसिक त्रास देत असल्याचार आरोपही काही शिक्षकांनी केला. त्यामुळे शिक्षणाधिकारी यांनी पदभार कमी करून, तात्पुरता पदभार गटशिक्षणाधिकारी एस. एस. जगताप यांच्याकडे दिला. गटशिक्षणाधिकारी हिंगोलीत त्यांच्या कार्यालयातच कधी भेटत नाहीत. तर नर्सीची शाळा वाऱ्यावरच सुटणार यात शंका नाही. त्यामुळे नव्याने हे पद कोण सांभाळणार? असा प्रश्न पालकांना पडत आहे. या ठिकाणी कायमस्वरूपी मुख्याध्यापक देण्याची मागणी ग्रामस्थांतून होत आहे. येत्या शैक्षणिक वर्षात येथील शाळेत कायमस्वरूपी मुख्याध्यापक न मिळाल्यास कार्यवाही करण्यात येणार असल्याचे पालकांनी सांगितले. (वार्ताहर)