छत्रपती संभाजीनगर : अयोध्येतील श्रीराम मंदिराची प्रतिकृती बीड बायपासवरील मुर्तुजापूर परिसरात उभारण्यात येणार आहे. उल्लेखनीय म्हणजे, अयोध्येतील मंदिराचे आर्किटेक्ट आशिष सोमपुरा यांच्यावरच येथील मंदिराची रचना करण्याची जबाबदारी दिली आहे. रामलल्लाची मूर्ती घडविणारा मूर्तिकार तशीच हुबेहूब मूर्ती बनविणार आहे. त्याच कारागीरांच्या हातून हे मंदिर उभे राहणार असून, त्यासाठी कारागिरांचा ताफाही येथे येणार आहे.
बीडबायपास येथील श्रीरामचंद्र इन्स्टिट्युट ऑफ मेडिकल सायन्सेसच्या ७ एकर परिसरात रामनवमीच्या मुहूर्तावर (दि.२६ ) शिलान्यास सोहळा आयोजित केला आहे.
१ एकरावर उभारणार मंदिर७ एकर जागेपैकी १ एकरावर मंदिराची उभारणी करण्यात येणार आहे. अयोध्येतील मंदिराची नागर शैलीत मंदिराची छोटी प्रतिकृतीच हे मंदिर असेल. भाविकांना येथे आल्यावर अयोध्येतील श्रीराम मंदिरासमोर उभे राहिल्याचा भास होईल. यासाठी राजस्थानमधील मकराना मार्बलचा वापर मंदिर बांधण्यासाठी करण्यात येणार आहे.
शरयू घाटाचे आकर्षणअयोध्येत शरयू नदीवर घाट बांधण्यात आला आहे. त्याच धर्तीवर येथे कृत्रिम शरयू घाट तयार करण्यात येणार आहे. जणू काही आपण अयोध्येत आल्यासारखे भाविकांना भास होईल, हेच या मंदिराचे वैशिष्ट्य असेल.
१ वर्षात उभारणार मंदिररामनवमीच्या दिवशी गुरुवारी सकाळी ९:३० वाजता मंदिराचा शिलान्यास करण्यात येणार आहे. यासाठी अयोध्येतील कारागिरांनी बनविलेली विशेष शिळा शहरात आणली आहे. शिलान्यास झाल्यानंतर पुढील वर्षभरात मंदिर पूर्णपणे उभारण्याचा आमचे उद्दिष्ट आहे.-डाॅ.अनंत पंढरे, वैद्यकीय संचालक, श्रीरामचंद्र इन्स्टिट्युट ऑफ मेडिकल सायन्सेस.
Web Summary : A replica of Ayodhya's Ram Temple, complete with a Sarayu Ghat recreation, will be built in Chhatrapati Sambhajinagar within a year. Crafted by the original architect and artisans, the temple will be located on the Shri Ramchandra Institute of Medical Sciences campus. The groundbreaking is scheduled for Ram Navami.
Web Summary : अयोध्या के राम मंदिर की प्रतिकृति, जिसमें सरयू घाट का मनोरंजन भी शामिल है, एक साल के भीतर छत्रपति संभाजीनगर में बनाई जाएगी। मूल वास्तुकार और कारीगरों द्वारा निर्मित, मंदिर श्री रामचंद्र इंस्टीट्यूट ऑफ मेडिकल साइंसेज परिसर में स्थित होगा। रामनवमी पर भूमि पूजन का कार्यक्रम है।