गंगापूर (औरंगाबाद) : औरंगाबाद - अहमदनगर महामार्गावरील गंगापूर तालुक्यातील इसारवाडी फाटा येथे भरधाव वेगातील अज्ञात वाहनाच्या धडकेत रस्ता ओलांडणाऱा बिबट्या ठार झाल्याची घटना घडली. सोमवारी (९) मध्यरात्री बाराच्या सुमारास हा अपघात झाला.
औरंगाबाद-नगर महामार्गावरील दहेगाव बंगला, ढोरेगाव, नरसापूर आदी परिसरात बिबट्यांचा वावर आहे. त्यामुळे अनेकदा बिबटे रस्ता ओलांडण्याच्या प्रयत्नात असताना वाहनांच्या धडकेत गतप्राण होण्याच्या घटना घडत आहेत. सोमवारी मध्यरात्रीच्या सुमारास नर बिबट्या रस्ता ओलांडत होता. त्याचवेळी भरधाव वेगातील अज्ञात वाहनाने त्याला जोरदार धडक दिली. या धडकेत बिबट्याचा जागीच मृत्यू झाला. वाळूज पोलीस अधिक तपास करीत आहे.
शिकाऱ्याच्या जाळ्यात अडकून बिबट्याचा मृत्यूदरम्यान, बीड जिल्ह्यातील शिरूर कासार तालुक्यातील भानकवाडी दोरखडा शेत शिवारात शिकाऱ्याने लावलेल्या वाघूरीत (जाळ्यात) अडकल्यामुळे बिबट्याचा मृत्यू झाल्याची घटना रविवारी दुपारी ४ वाजेच्या सुमारास घडली. घटनास्थळी वनविभागाच्या अधिकाऱ्यांनी भेट देऊन सदरील घटनेबाबत अज्ञातांविरोधात गुन्हा दाखल करण्यात आला आहे.