विषप्रयोगातून औरंगाबादेत ४१ जनावरांचा मृत्यू

सिल्लोड तालुक्यातील उंडणगाव येथे अज्ञात व्यक्तींनी मुक्या जनावरांवर विषप्रयोग केल्याने गावात १ गाढव, ४० वराहांचा मृत्यू झाल्याची घटना रविवारी उघडकीस आली.

उंडणगाव (जि. औरंगाबाद) : सिल्लोड तालुक्यातील उंडणगाव येथे अज्ञात व्यक्तींनी मुक्या जनावरांवर विषप्रयोग केल्याने गावात १ गाढव, ४० वराहांचा मृत्यू झाल्याची घटना रविवारी उघडकीस आली.
दरम्यान, दोन घोडे अत्यवस्थ असून या गैरकृत्यामुळे पशुपालक, वडार समाज व मेंढपाळांमध्ये भीतीचे वातावरण पसरले आहे. बसस्थानकाजवळील परिसरात कुणी तरी पिठात विष मिसळून फेकले होते. ते खाऊन जनावरांना विषबाधा झाली. हे कृत्य करणाऱ्या व्यक्तींना त्वरीत अटक करण्याची मागणी प्राणीमित्रांनी केली आहे.