महाआवास अभियान-ग्रामीण अंतर्गत घरकुलची चावी सुपुर्द

गोंडपिपरी : केंद्रपुरस्कृत प्रधानमंत्री आवास योजना (ग्रामीण) व राज्य पुरस्कृत ग्रामीण घरकुल योजनांची अंमलबजावणी गतिमान करून घरकुलांच्या गुणवत्ता वाढीसाठी २० नोव्हेंबर ते ५ जून २०२१ या कालावधीत महाआवास अभियान-ग्रामीण राबविण्यात आले. या मोहिमेत तारडा ग्रामपंचायतअंतर्गत पुरडी हेटी येथील शबरी आवास योजनेचे लाभार्थी टिकाराम कुळमेथे व अन्य लाभार्थ्यांना पंचायत समितीमधील कार्यक्रमात घरकुलाची चावी सुपुर्द देऊन सत्कार करण्यात झाला. यावेळी संवर्ग विकास अधिकारी शेषराव बुलकुंडे, अभियंता चव्हाण, पोगुलवार, उराडे व अन्य अधिकारी उपस्थित होते. ग्रामविकास विभागाच्या माध्यमातून ग्रामीण भागांतील लोकांना हक्काचे घर मिळावे, त्यांच्या निवाऱ्याचा प्रश्न सुटावा; तसेच त्यांच्या स्वत:च्या घराचे स्वप्न पूर्ण व्हावे यासाठी हा उपक्रम जिल्ह्यात सुरू आहे. अभियानाच्या कालावधीत पूर्ण झालेल्या घरकुलाच्या लाभार्थ्यांना घरकुलाची चावी सुपुर्द करण्यात आली.