आंतरजातीय विवाहास होणार विरोध कमी व्हावा, सामाजिक समतेचा संदेश जावा, यासाठी समाजकल्याण विभागातर्फे आंतरजातीय विवाह प्रोत्साहन योजना राबवून अर्ज करणाऱ्या जोडप्याला ५० हजार रुपयांचे अनुदान देण्यात येते. या योजनेसाठी जिल्ह्यात सुमारे ६०० जोडप्यांनी अर्ज केले. मात्र, निधीअभावी केवळ ३१ मार्च २०१८ पर्यंतच्या अर्जदारांना लाभ देण्यात आला तर सुमारे ५७१ प्रस्ताव अद्यापही प्रलंबित आहे. आतापर्यंत जिल्ह्यात पात्र २२६ जोडप्यांना सुमारे सव्वा कोटींचे वितरण करण्यात आले तर उर्वरीत जोडीपी लाभ मिळण्याच्या प्रतीक्षेत अनेकदा समाजकल्याण कार्यालयाचे उंबरठे झिजवत आहेत. त्यामुळे त्वरित निधी उपलब्ध करून निधीचे वितरण करावे, अशी मागणी होत आहे.
बॉक्स
अशी मिळते मदत
१ फेब्रुवारी २०१० पूर्वी आंतरजातीय विवाह झाला असल्यास १५ हजार रुपये आणि त्यानंतर विवाह झाला असल्यास ५० हजार रुपयांचे अनुदान मिळते.
बॉक्स
यांना मिळते मदत
या योजनेत अनुसूचित जाती-जमाती, विमुक्त जाती व भटक्या जमाती यापैकी एक व्यक्ती आणि दुसरी व्यक्ती सवर्ण धर्मातील असेल तर त्या विवाहास ‘आंतरजातीय विवाह’ म्हणून संबोधण्यात येते. अनु. जाती, जमाती यापैकी एका व्यक्तीने सवर्ण धर्मातील व्यक्तीशी विवाह केला तर ते अनुदानास पात्र ठरतात. अनुदानासाठी ते अर्ज करू शकतात. या अर्जाची पडताळणी केल्यानंतर सत्यता आढळून आली तर संबंधित जोडप्याला ५० हजारांचे अर्थसाहाय्य दिले जाते.
तीन वर्षांत झालेले आंतरजातीय विवाह ६१०
१२६ जोडप्यांना मिळाली मदत