चंद्रपूर महापालिकेत सर्वाधिक जागा जिंकूनही काँग्रेसची डोकेदुखी प्रचंड वाढली. आमदार विजय वडेट्टीवार आणि खासदार प्रतिभा धानोरकर असे गट पडल्याने संघर्ष टोकाला गेला. दोन्ही नेत्यांना थेट दिल्लीतून बोलावणे आले. दिल्लीत झालेल्या बैठकीनंतर दोन्ही गटातील सत्तेचे वाटप ठरले, पण पाठिंबा देण्यासाठी उद्धवसेनेला काय दिले जाणार, याबद्दल प्रश्न कायम होता. त्यावर आता विजय वडेट्टीवार यांनी खुलासा केला.
विजय वडेट्टीवार यांनी पत्रकार परिषदेत सांगितले की, "महाराष्ट्र काँग्रेस आणि दिल्लीतून जो निर्णय घेतला, तो म्हणजे गटनेता राजेश अरुण आणि प्रतिभा धानोरकर म्हणतील तो महापौर. त्यामुळे आमच्याकडून कोणीही महापौर पदाचा अर्ज भरला नाही. प्रतिभा धानोरकरांकडून चार महिलांनी अर्ज भरला आहे. उपमहापौर पदासाठी वसंतराव देशमुख यांनी अर्ज भरला आहे."
आता काँग्रेसमध्ये वादाची परिस्थिती नाही
"आज आमच्या पक्षश्रेष्ठीच्या निर्णयानुसार राजेश अरुण यांची गटनेते पदी निवड झाली आहे. तसे प्रदेश काँग्रेस समितीने विभागीय आयुक्तांना पाठवले आहे. २७ नगरसेवक गट तयार करण्यासाठी आयुक्तालयात उपस्थित राहतील. पक्षश्रेष्ठींनी असा निर्णय घेतला असल्यामुळे आता कुठलीही संभ्रमाची किंवा वादाची परिस्थिती नाही", असा खुलासा विजय वडेट्टीवार यांनी केला.
उद्धवसेनेने महापौरपदासाठी भरला अर्ज
उद्धवसेनेकडूनही महापौर पदासाठी अर्ज दाखल करण्यात आला आहे. त्यावर विजय वडेट्टीवार म्हणाले, "हे अर्ज भरलेले आहेत. दहा तारखेला निवडणूक आहे. त्यामुळे घाई करून उपयोग नाही. त्यांनी अर्ज भरले ही सत्य परिस्थिती आहे. परंतू जनसेवक पार्टी काँग्रेससोबत आहे. ते काँग्रेसला पाठिंबा देतील."
"उद्धवसेनेनेही अर्ज भरला आहे. त्यांच्यासोबत वाटाघाटी करून, त्यावर सुद्धा मार्ग काढता येईल. त्यामध्ये मला अडचण वाटत नाही. त्यांच्याबरोबर चर्चा आम्ही करत आहोत. त्यामुळे यात अडचण येईल अशी परिस्थिती नाही. उद्धवसेनेसमोरही पर्याय ठेवलेला आहे. त्यांना स्थायी समितीचे अध्यक्षपद देता येईल. सत्तेचे वाटप बरोबर होईल", अशी माहिती सुधीर मुनगंटीवार यांनी दिली.
काही दिवसांपूर्वी विजय वडेट्टीवार यांनी उद्धव ठाकरे यांची भेट घेतली होती. त्यावेळी उद्धव ठाकरे यांनी महापौर पद आणि स्थायी समिती अध्यक्ष अडीच-अडीच वर्षांसाठी वाटून घेण्याचा प्रस्ताव ठेवला होता. त्याचबरोबर काँग्रेसच्या महापौर पदाच्या उमेदवाराचे नाव उद्धवसेनेच्या जिल्हाप्रमुखांशी चर्चा करून ठरवण्यात यावे, असेही म्हटले होते. मात्र, आता काँग्रेसकडून फक्त स्थायी समिती अध्यक्ष पदावरच बोळवण केली जाणार असे दिसत आहे.
Web Summary : Congress resolved internal disputes over Chandrapur corporation leadership. While Congress gets the Mayor post, Uddhav Sena is offered the Standing Committee chairmanship. Discussions are ongoing to finalize the power-sharing arrangement.
Web Summary : चंद्रपुर निगम नेतृत्व को लेकर कांग्रेस ने आंतरिक विवाद सुलझाया। कांग्रेस को मेयर पद मिला, जबकि उद्धव सेना को स्थायी समिति के अध्यक्ष पद की पेशकश की गई। सत्ता-साझेदारी को अंतिम रूप देने के लिए बातचीत जारी है।