चुकीच्या सौंदर्यीकरणाच्या निषेधार्थ भद्रावतीत धरणे

बौद्ध स्तुप प्रवेश द्वाराजवळ भगवान गौतम बुद्धाच्या जीवनावर आधारित बौद्ध संस्कृतीचे पुतळे असलेल्या चौकाचे सौंदर्यीकरण करायला पाहिजे असताना नगर परिषद पदाधिकारी आणि मुख्याधिकाऱ्यांनी राजे छत्रपती शिवाजी महाराजांच्या राज्यभिषकाचे पुतळे उभारले.

ठळक मुद्देनगरपरिषदेचा चुकीचा निर्णय: बौद्ध समन्वय समितीचा आरोप, प्रशासनाला निवेदन

लोकमत न्यूज नेटवर्कभद्रावती : येथील नागमंदिर चौकातील विंजासन बुद्ध लेणीकडे जाणाऱ्या बौद्ध स्तुप प्रवेशद्वाराजवळ छत्रपती शिवाजी महाराज यांच्या राज्यभिषेक सोहळ्याचे पुतळे उभारण्याच्या निषेधार्थ भद्रावती बौद्ध समन्वय समितीच्या सदस्यांनी बुधवारी निषेध आंदोलन केले.बौद्ध स्तुप प्रवेश द्वाराजवळ भगवान गौतम बुद्धाच्या जीवनावर आधारित बौद्ध संस्कृतीचे पुतळे असलेल्या चौकाचे सौंदर्यीकरण करायला पाहिजे असताना नगर परिषद पदाधिकारी आणि मुख्याधिकाऱ्यांनी राजे छत्रपती शिवाजी महाराजांच्या राज्यभिषकाचे पुतळे उभारले.छत्रपती शिवाजी महारांचा पुतळा व अन्य पुतळे सन्मानपूर्वक तिथून काढून त्याठिकाणी बौद्धकालीन पुतळे लावावे तसेच तेथे सौंदर्यीकरण करण्याची मागणी यावेळी करण्यात आली. या मागणीला घेऊन बुधवारी धरणे आंदोलन करण्यात आले. यावेळी राजू देवगडे, अ‍ॅड. भूपेंद्र रायपूरे, मारोती रामटेके, कुशल मेश्राम, उमेश रामटेके, हरिष दुर्योधन, विशाल बोरकर, विजय मेश्राम, सुशिल देवगडे, राजरतन पेटकर, पनवेल शेंडे, अजय लिहितकर, रत्नाकर साठे, सुनिल खोब्रागडे, अनिकेत रायपूरे सुरज भेले, प्रकाश पेटकर, मिलिंद शेंडे, शंकर मून, विजय कवाडे, मितवा पाटील, सिद्धार्थ बुरचुंडे, राखी रामटेके, रजनीकुंदर रामटेके, संदीप जिवने, नगरसेवक सिमा ढेंगळे, रत्नमाला धोटे, सुधाकर शंभकर, प्रा. जयंवत काकडे याशिवाय शेकडो बौद्ध समाज बांधव, पुरुष व महिला कार्यकर्ते उपस्थित होते.दुपारी १२ वाजता सुरु झालेले हे आंदोलन सायंकाळी ४.२० वाजता संपले. यावेळी उपस्थित समिती पदाधिकारी तसेच सदस्यांनी आपले विचार व्यक्त केले. अनुचित घटना टाळण्यासाठी यावेळी पोलीस प्रशासनाने चोख बंदोबस्त ठेवला होता.