बुलढाणा जिल्ह्यातून एक धक्कादायक बातमी समोर आली आहे. विद्येचे मंदिर मानल्या जाणाऱ्या शाळेत माणुसकीला काळीमा फासणारी घटना घडली आहे. पिंपळगाव राजा येथील जिल्हा परिषद प्राथमिक शाळेत प्रश्नाचे उत्तर न आल्याच्या कारणावरून एका शिक्षकाने चौथीत शिकणाऱ्या एका विद्यार्थ्याला लोखंडी पट्टीने बेदम मारहाण केल्याचा धक्कादायक प्रकार उघडकीस आला आहे. या प्रकरणी पोलिसांनी संबंधित शिक्षकाविरुद्ध गुन्हा दाखल केला आहे.
भारतातून परतताच UAE च्या राष्ट्रपतींचा पाकिस्तानला दे धक्का! शहबाज शरीफ यांची झोप उडाली
मिळालेल्या माहितीनुसार, पिंपळगाव राजा येथील नारायण देविदास इंगळे यांचा मुलगा पवन (वय १०) हा जिल्हा परिषद शाळेत इयत्ता चौथीत शिक्षण घेत आहे. शाळेच्या वेळेत आरोपी शिक्षक विशाल रवींद्र चिम यांनी पवनला वर्गात प्रश्न विचारला. मात्र प्रश्नाचे उत्तर न आल्याने संतप्त झालेल्या शिक्षकाने ताळतंत्र सोडत लोखंडी पट्टीने पवनच्या पाठीवर, मांडीवर आणि हातावर सपासप मारहाण केली.
शिक्षकाविरोधात गुन्हा दाखल
मारहाणीमुळे पवनला गंभीर दुखापत झाली. मुलाच्या अंगावरील जखमा पाहून पालकांच्या अंगावर शहारे आले. वडील नारायण इंगळे यांनी तत्काळ पोलिस ठाण्यात धाव घेऊन तक्रार दाखल केली. वैद्यकीय तपासणीत मारहाणीची स्पष्ट पुष्टी झाल्यानंतर पिंपळगाव राजा पोलीस यांनी आरोपी शिक्षकाविरुद्ध भारतीय न्याय संहिता कलम ११८(१) तसेच बाल न्याय अधिनियम कलम ७५ अंतर्गत गुन्हा नोंदवला आहे.
या प्रकारानंतर परिसरात तीव्र संताप व्यक्त केला जात असून, संबंधित शिक्षकावर कडक कारवाई करण्याची मागणी नागरिक आणि पालकांकडून होत आहे. शाळांमधील विद्यार्थ्यांच्या सुरक्षिततेचा प्रश्न पुन्हा एकदा ऐरणीवर आला आहे.
Web Summary : A teacher in Buldhana severely beat a fourth-grade student with an iron rod for failing to answer a question. The student sustained serious injuries, leading to a police complaint and widespread condemnation of the teacher's actions. An investigation is underway.
Web Summary : बुलढाणा में एक शिक्षक ने चौथी कक्षा के छात्र को सवाल का जवाब न देने पर लोहे की रॉड से बेरहमी से पीटा। छात्र को गंभीर चोटें आईं, जिसके बाद पुलिस में शिकायत दर्ज कराई गई और शिक्षक की व्यापक निंदा हुई। जांच चल रही है।