भोरसाभोरसी येथे डेंग्यूचा रुग्ण आढळला! 

चिखली: तालुक्यातील भोरसाभोरसी येथील एका १४ वर्षीय  मुलीला औरंगाबाद येथील उपचाराअंती डेंग्यू झाल्याचे निदान  झाल्याने गावात भीतीचे वातावरण निर्माण झाले असून, याची द खल घेऊन आरोग्य विभागाने तातडीने उपाययोजना राबवाव्यात,  अशी मागणी ग्रामस्थांनी केली आहे.

ठळक मुद्देएका १४ वर्षीय मुलीला उपचारादरम्यान डेंग्यू झाल्याचे निदान आरोग्य विभागाने तातडीने उपाययोजना राबवाव्यात - ग्रामस्थांची  मागणी

लोकमत न्यूज नेटवर्क
चिखली: तालुक्यातील भोरसाभोरसी येथील एका १४ वर्षीय  मुलीला औरंगाबाद येथील उपचाराअंती डेंग्यू झाल्याचे निदान  झाल्याने गावात भीतीचे वातावरण निर्माण झाले असून, याची द खल घेऊन आरोग्य विभागाने तातडीने उपाययोजना राबवाव्यात,  अशी मागणी ग्रामस्थांनी केली आहे.
भोरसाभोरसी येथील साक्षी या १४ वर्षीय मुलीला ९ ऑक्टोबर  रोजी डेंग्यूची लक्षणे आढळून आल्याने औरंगाबाद येथील  हेडगेवार रुग्णालयात भरती करण्यात आले होते. तेथे तिला डेंग्यू  झाल्याचे निदान झाल्यामुळे गावात भीतीचे वातावरण निर्माण  झाले आहे. दरम्यान, बदलत्या वातावरणामुळे व पावसामुळे  गावात सर्वत्र घाण पाणी साचले असून डासांचे प्रमाण मोठय़ा  प्रमाणावर वाढले आहे. त्यामुळे गावात तातडीने उपाययोजना  राबविण्यात येऊन डेंग्यूविरोधी औषधाची फवारणी करण्यात  यावी व एकलारा प्राथमिक आरोग्य केंद्रांने याकडे विशेष लक्ष  द्यावे, अशी मागणी गणेश भुसारी, एन.टी. भुसारी, रामेश्‍वर  भुसारी, शे. बिसमिल्ला, आयुब, शे. युनुस, देवेंद्र भुसारी,  नारायण आकाळ, प्रताप ढोरे यांनी केली आहे.