सुलतानपुर येथील सैनिकाचा आकस्मिक मृत्यू

Deatho of Soldire : पवन विष्णु रिंढे असे मृतक जवानाचे नाव आहे़.

सुलतानपुर : येथील जवानाचा राजस्थानात अाकस्मिक मृत्यू झाल्याची घटना २ मे राेजी घडली़ पवन विष्णु रिंढे असे मृतक जवानाचे नाव आहे़. सहकाऱ्यांबराेबर कर्तव्यावर असताना त्यांचा मृत्यू झाला़.

सुलतानपूर येथील शेतकरी शेतमजुर कुटूबांत जन्म झालेल्या पवन विष्णु रिंढे यांनी हालाखीच्या परिस्थीतही शिक्षण पुर्ण केले़ तसेच परिश्रमाच्या बळावर सैन्यात २०१६ -१७ च्या भरती मध्ये ते सैन्यामध्ये भरती झाले . बेळगांव येथे सैनिक प्रशिक्षण पुर्ण करुण पवन रिंढे हे सध्या गुजरातमधील जामनगर येथे कर्तव्यांवर होते़. तेथुन त्यांचे युनिट प्रशिक्षणासाठी राजस्थानमधील बाडमेर येथे एक महीन्यापूर्वी गेले होते़. दरम्याण आपल्या सहकारी सैनिकांसोबत कर्तव्यावर असतांना २ मे च्या रात्री सैनिक पवन विष्णु रिंढे यांचा अचानक मृत्यू झाला असल्याची माहीती सैनिक कल्याण कार्यालय राजस्थानकडून मृतक सैनिकाच्या कुटुबांस देण्यात आली. मृत्यूचे कारण मात्र स्पष्ट करण्यात आले नाही़. शवविच्छेदन केल्यानंतर सैनिकाचे प्रेत त्यांच्या मुळ गावी सुलतानपुर येथे ४ मे राेजी आणण्यात येणार असल्याची माहिती आहे़.