उजवा कालव्यात पडून निलगाईचा मृत्यू

तहानलेली निलगाय पाण्याच्या शोधार्थ शहरालगत असलेल्या उजव्या कालव्यात आली असता तिचा कालव्यात बुडून मृत्यू झाला. ही घटना आज दुपारी १ वाजताच्या सुमारास घडली.

पवनी : तहानलेली निलगाय पाण्याच्या शोधार्थ शहरालगत असलेल्या उजव्या कालव्यात आली असता तिचा कालव्यात बुडून मृत्यू झाला. ही घटना आज दुपारी १ वाजताच्या सुमारास घडली.
पवनी शहराला उमरेड- कऱ्हांडला व्याघ्र प्रकल्प लागून आहे. या परिसरात वन्यप्राण्यांच्या हालचालीत वाढ झाली आहे. वन्यप्राण्यांच्या हल्ल्यामुळे ग्रामस्थांमध्ये भितीचे वातावरण आहे. आज दुपारी १ वाजताच्या सुमारास निलगाय पाण्याचा स्त्रोत शोधत शेषनगर येथून मुख्य रस्त्यावर आली. वाहनांच्या आवाजाने तिने जंगलाकडे पळ काढला. उजव्या कालव्यात ती बुडाली. घटनेची माहिती पोलिस व वनविभागाला होताच त्यांनी घटनास्थळ गाठले. ग्रामस्थांचा सहकार्याने पाऊण तासानंतर कालव्याबाहेर काढण्यात आले. पशुवैद्यकिय डॉक्टरांनी तपासणीनंतर मृत घोषीत केले. (तालुक/शहर प्रतिनिधी)