‘भिमलकसा’ला मिळणार ११६.०३ हेक्टर वनजमीन

वडेगाव येथील जंगलाला लागून असलेल्या भिमलकसा प्रकल्पाकरीता अखेर ११६.०३ हेक्टर वनजमिन वळतेकरण करण्याचा निर्णय राज्य शासनाने केला आहे.

चार दशकांची प्रतीक्षा : ९३१ हेक्टर क्षेत्राला होणार सिंचन देवानंद नंदेश्वर/संजय साठवणे भंडारा/ साकोलीवडेगाव येथील जंगलाला लागून असलेल्या भिमलकसा प्रकल्पाकरीता अखेर ११६.०३ हेक्टर वनजमिन वळतेकरण करण्याचा निर्णय राज्य शासनाने केला आहे. त्यामुळे गत अनेक दशकापासून बंद असलेल्या या प्रकल्पाचे काम पुन्हा सुरू होणार आहे. या निर्णयामुळे परिसरातील शेतीला सिंचनाची सोय होवनू हरीतक्रांती घडेल. हा प्रकल्प ४४ वर्षांपासून वनकायदा व शासनाची परवानगी यात रखडलेला होता. भिमलकसा लघु प्रकल्पाला ८ मे १९७३ अन्वये २४.९० लाख रूपयाची प्रशासकीय मान्यता मिळाली होती. त्यानंतर याप्रकल्पाचे काम जानेवारी १९७५ मध्ये रोजगार हमी योजनेतून सुरू करण्यात आले होते. या प्रकल्पाची सिंचन क्षमता ९३१ हेक्टर असून त्यावेळी या धरणाचे मातीकाम घळभरणी वगळता पुर्ण करण्यात आले होते. या प्रकल्पाचे ७५ टक्के काम पुर्ण झाल्यानंतर १८ मे १९८६ ला वनकायदा अस्तित्वात आला व या प्रकल्पाचे काम थांबविण्यात आले होते. लोकसभा निवडणुकीपूर्वी सन २००८-०९ ला या प्रकल्पाची वनकायद्यातून सुटका झाली. त्यानंतर काम थंडबस्त्यात राहिले. यासाठी परिसरातील शेतकऱ्यांनी बरेचदा लोकप्रतिनिधीची भेट घेतली. एकदा विधानसभा निवडणुकीवर बहिष्कारही टाकला होता. मात्र त्याचा फायदा झाला नाही. वनकायद्यातून सुटका झाली तेव्हा वनजमिनीचे मालमत्ता मुख्य ११२९.५८८ लाख वनविभागास भरावयाची होती. कामाची किंमत १५१७.५५७ लाख असे एकूण २६४७.१४५ लाख रुपए शासनास मंजुर करावयाचे होते. तेव्हापासून ही फाईल कासवगतीने वनमंत्रालयात जमा होती. आमदार बाळा काशीवार यांनी या प्रकल्पाला मार्गी लावण्याचा निर्धार केला. राज्याचे वनमंत्री सुधीर मुनगंटीवार यांच्याशी चर्चा करून प्रकल्प मार्गी लावण्यासाठी केंद्रीय वन व पर्यावरण मंत्री प्रकाश जावडेकर यांना साकडे घातले होते. यासाठी केंद्रीय रस्ते वाहतूक मंत्री नितीन गडकरी, खासदार नाना पटोले यांनी पुढाकार घेतल्याने या प्रकल्पाला अंतिम मान्यता मिळाली. १८ फेब्रुवारीला भिमलकसा प्रकल्पासाठी ११६.०३ हेक्टर वनजमिन वळते करण्याचा निर्णय शासनाने घेतला. वळतीकरण भारत सरकारच्या २६ नोव्हेंबर २००८, १७ जुलै २०१५ व ७ जानेवारी २०१७ रोजीच्या पत्रांतील अटी व शर्तीच्या पूर्तता करण्याचा निर्णय घेण्यात आला आहे. सिंचनाचा लाभसदर प्रकल्प पूर्ण झाल्यास जमनापूर २३२ हेक्टर, पाथरी ९५ हेक्टर, वडेगाव १४४ हेक्टर, खांबा ३०१ हेक्टर, तुडमापुरी १५९ हेक्टर असे एकूण ९३१ हेक्टर शेतजमिनीला सिंचनाची सोय होणार आहे.