Tarot Card: आनंददायी आठवडा, कष्ट करा, ध्येयावर लक्ष ठेवा; वाचा साप्ताहिक टॅरो भविष्य

By ऑनलाइन लोकमत | Updated: November 29, 2025 07:05 IST2025-11-29T07:01:00+5:302025-11-29T07:05:01+5:30

Tarot Card: टॅरो कार्डनुसार दिलेल्या कार्ड पैकी एक कार्ड निवडून किंवा राशीनुसार तुमचे साप्ताहिक टॅरो भविष्य जाणून घेऊ शकता.

Tarot Card: Happy week, work hard, keep your eyes on the goal; Read weekly tarot prediction | Tarot Card: आनंददायी आठवडा, कष्ट करा, ध्येयावर लक्ष ठेवा; वाचा साप्ताहिक टॅरो भविष्य

Tarot Card: आनंददायी आठवडा, कष्ट करा, ध्येयावर लक्ष ठेवा; वाचा साप्ताहिक टॅरो भविष्य

साप्ताहिक टॅरो मार्गदर्शन
३० नोव्हेंबर ते ६ डिसेंबर
===============
सुमेध रानडे,
टॅरो कार्ड रीडर, पुणे
===============

नंबर १: (राशी: वृषभ/सिंह/वृश्चिक/कुंभ)

काय घडू शकते?
हा सप्ताह तुमच्यासाठी थोडा कठीण असणार आहे. तुम्हाला तुमच्या जागेवर पाय घट्ट रोवून उभं रहावं लागेल. काही लोक, काही स्पर्धक तुम्हाला तुमच्या जागेवरून खाली आणण्याचा प्रयत्न करतील. पण तुम्ही मोठ्या आत्मविश्वासाने त्यांना सामोरे जाऊ शकाल. या प्रतिकूल परिस्थितीवर तुमच्या जिद्दीने नक्कीच यश मिळवू शकता.

तुम्ही काय करावे?
या आठवड्यात तुम्ही येणाऱ्या परिस्थितीला धीराने सामोरे जाण्याची, तुमचं सर्वोत्तम देण्याची गरज आहे. काळजीपूर्वक पुढचे पाऊल टाका. घाबरण्याची गरज नाही. दुसऱ्यांवर अवलंबून राहू नका. तुमच्याकडे इतरांपेक्षा काहीतरी वेगळी ताकद आहे ज्याने तुम्हाला ही परिस्थिती जिंकता येईल, हा विश्वास ठेवा.

नंबर २: (राशी: मिथुन/कन्या/धनू/मीन)

काय घडू शकते?
हा सप्ताह तुमच्यासाठी एकंदरीत आनंदाचा आणि समाधानाचा असणार आहे. जे पाहिजे ते मिळण्याची खूप शक्यता आहे. एखादे लहान ध्येय पूर्ण होईल. कलेतून किंवा छंदातून आनंद मिळेल. कुटुंबामध्ये काही कारणाने आनंद राहील, एकोपा राहील. संबंध सुधारतील. एकत्र येऊन एखादे कार्य पूर्ण कराल. केलेल्या कष्टाचे चीज होईल!

तुम्ही काय करावे?
या आठवड्यात तुम्ही तुमच्या ध्येयावर पूर्ण मेहनत करण्याची गरज आहे. शेवटचा टप्पा आला आहे, हा पार करताच यश येणार आहे म्हणून चिकाटीने पुढे चाला. कामाच्या ठिकाणी किंवा घरी, इतरांशी नीट वागा. मिळून मिसळून रहा, मदत करा आणि घ्या. कुटुंबाला वेळ नक्की द्या. ध्यान उपासना करा!

नंबर ३: (राशी: मेष/कर्क/तूळ/मकर)

काय घडू शकते?
हा सप्ताह तुमच्यासाठी खूप काम आणि कष्ट करण्याचा असणार आहे. जे करत आहात त्यात तुम्हाला प्राविण्य मिळेल. पण तुम्हाला हवा तसा प्रतिसाद मिळणार नाही. तरीही तुम्ही संपन्न आणि आनंदी रहाल. तुमच्या कुठल्यातरी भौतिक, आर्थिक ध्येयाच्या दिशेने चांगली वाटचाल कराल. काम परिपूर्णतेकडे जाईल.

तुम्ही काय करावे?
या आठवड्यात तुम्हाला बाकी कसलाही विचार न करता पूर्ण लक्ष तुमच्या कामाच्या ठिकाणी किंवा व्यवसायाच्या ठिकाणी ठेवायचे आहे. भरपूर कष्ट करा. वैयक्तिक गोष्टींत खूप वेळ अडकू नका. एखाद्या कामात कौशल्य मिळवा. चुका दुरुस्त करून, सुधारणा करा. स्वावलंबी व्हा. "एकला चलो रे" या गीतातील शब्द तुमच्या ध्यानात ठेवा.

संपर्क : sumedhranade90@gmail.com

श्रीस्वामी समर्थ.

Web Title : टैरो कार्ड साप्ताहिक भविष्यवाणी: लक्ष्यों पर ध्यान दें, मेहनत करें, खुश रहें

Web Summary : इस सप्ताह का टैरो कार्ड मार्गदर्शन दृढ़ता, शौक के माध्यम से खुशी और केंद्रित प्रयास की सलाह देता है। चुनौतियों से पार पाएं, रिश्तों को पोषित करें और सफलता और संतुष्टि के लिए अपने लक्ष्यों के प्रति समर्पित रहें।

Web Title : Tarot Card Weekly Prediction: Focus on Goals, Work Hard, Be Happy

Web Summary : This week's tarot reading advises perseverance, joy through hobbies, and focused effort. Overcome challenges, nurture relationships, and stay dedicated to your goals for success and satisfaction.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.