Sankashti Chaturthi 2024: जून २०२५ पर्यंत सुख, ऐश्वर्यप्राप्तीसाठी संकष्टीपासून सुरु करा 'हा' प्रभावी उपाय!

Sankashthi Chaturthi 2024: १८ डिसेंबर रोजी इंग्रजी वर्ष २०२४ मधील शेवटची संकष्टी; यानिमित्ताने येत्या सहा महिन्यात फळ देणारा उपाय जाणून घ्या!

१८ डिसेंबर रोजी इंग्रजी वर्ष २०२४ मधील शेवटची संकष्टी (Sankashthi Chaturthi 2024) आहे. एव्हाना मनामध्ये येत्या वर्षाचे अर्थात २०२५ (New Year 2025)चे अनेक संकल्प सुरु झाले असतील. त्या संकल्प पूर्तीसाठी संकष्टीच्या उपसाबरोबरच उपासनेची जोड देऊया. देवर्षी नारद यांनी रचलेले संस्कृत स्तोत्र कवी श्रीधर यांनी मराठीत अनुवादित केले. त्यामुळे ज्यांना संस्कृत येत नाही, त्यांनाही हे स्तोत्र पठण करणे सोपे झाले. त्यात गणरायची बारा नावे आहेत व शेवटी स्तोत्राची फलश्रुती दिली आहे. त्यात असे म्हटले आहे, की हे प्रासादिक स्तोत्र त्रिकाळ अर्थात सकाळ, दुपार, संध्याकाळ म्हटले तर त्याचे फळ निश्चित मिळते. आणि फळ काय तर? उपासना सुरु केल्यापासून येत्या सहा महिन्यात विद्यार्थ्याला विद्या, गरजवंताला धन, नि:संतान असणाऱ्याला संतती आणि मोक्षार्थ्याला गती मिळते!

हे स्तोत्र मनोभावे म्हटले असता सहा मासात या स्तोत्राची अनुभूती येऊ लागेल आणि वर्षभरात निश्चित फळ मिळेल असा दावा या स्तोत्राचे रचेते महर्षी नारद करतात. त्यामुळे संकष्ट चतुर्थीचे औचित्य साधून भाविकांनी हे सोपे सुलभ आणि फलदायी स्तोत्र पठण सुरू करावे यासाठी स्तोत्राचे शब्द पुढीलप्रमाणे.. 

साष्टांग नमन हे माझे गौरीपुत्र विनायका | भक्तिने स्मरतां नित्य आयु:कामार्थ साधती ||१||

प्रथम नाव वक्रतुंड दुसरे एकदंत तें | तीसरेकृष्णपिंगाक्ष चवथे गजवक्त्र तें ||२||

पाचवेश्रीलंबोदर सहावे विकट नाव तें | सातवेविघ्नाराजेंद्र आठवे धुम्रवर्ण तें ||३||

नववेश्रीभालाचंद्र दहावे श्रीविनायक | अकरावेगणपति बारावे श्रीगजानन ||४||

देवनावे अशीबारा तीनसंध्या म्हणे नर | विघ्नाभिती नसेत्याला प्रभो ! तू सर्वसिद्धिद ||५||

विद्यार्थ्यालामिळे विद्या धनार्थ्याला मिळे धन | पुत्रर्थ्यालामिळे पुत्र मोक्षर्थ्याला मिळे गति ||६||

जपतागणपति गणपतिस्तोत्र सहामासात हे फळ| एकवर्ष पूर्ण होता मिळे सिद्धि न संशय ||७||

नारदांनी रचिलेले झाले संपूर्ण स्तोत्र हे | श्रीधाराने मराठीत पठान्या अनुवादिले ||८||