Geminid Meteor Shower: १३,१४ डिसेंबर ठरणार इच्छापूर्तीची रात्र; आकाशाकडे बघून करा 'हे' काम!

Geminid Meteor Shower: २०२५ हे वर्ष संपत आले, तरी या वर्षातली एखादी राहून गेलेली इच्छा पूर्ण व्हावी म्हणून १३ आणि १४ डिसेंबर रोजी न विसरता दिलेला उपाय करा!

डिसेंबर महिना हा वर्षाचा शेवट करताना अनेक ज्योतिषीय आणि खगोलीय घटना घेऊन येत आहे. यापैकीच एक अद्भुत घटना म्हणजे 'जेमिनीड उल्का वर्षाव' (Geminid Meteor Shower). अमेरिकेतील नॅशनल ओशनिक अँड ॲटमॉस्फेरिक ॲडमिनिस्ट्रेशन (NOAA) च्या माहितीनुसार, १३ आणि १४ डिसेंबर २०२५ च्या रात्री हा उल्का वर्षाव त्याच्या उच्च (Peak) स्थितीत असेल, तेव्हा आकाशात अनेक 'तुटणारे तारे' दिसतील.खगोलशास्त्रीय दृष्ट्या ही घटना सुंदर आहेच त्याबरोबरच, ज्योतिष आणि लोकश्रद्धांमध्ये 'तुटणाऱ्या ताऱ्याकडे' पाहून इच्छा व्यक्त करणे खूप महत्त्वाचे मानले जाते.

Astrology: आयुष्य बदलेल! जाणून घ्या चांदीची अंगठी धारण करण्याचे 'हे' ५ चमत्कारी फायदे!

जेमिनीड उल्का वर्षावाचा शुभ योग

जेमिनीड उल्का वर्षाव दरवर्षी डिसेंबरमध्ये होतो, जेव्हा पृथ्वी 3200 फेथॉन (Phaethon) नावाच्या लघुग्रहाच्या (Asteroid) फेऱ्यातून प्रवास करते. १३ आणि १४ डिसेंबरच्या रात्री, जर आकाश निरभ्र असेल, तर प्रति तास १०० हून अधिक उल्का (Meteors) पडताना दिसू शकतात. ही घटना डोळ्यांनी पाहणे हा एक अविस्मरणीय अनुभव असतो.

ज्योतिष आणि इच्छापूर्तीचे रहस्य

लोकश्रद्धेनुसार, तुटणारा तारा (Shooting Star) पाहणे हे भाग्याचे लक्षण मानले जाते. ज्योतिषशास्त्रात आणि जादुई परंपरांमध्ये, तुटणारा तारा हे एका क्षणात ऊर्जावान झालेल्या ब्रह्मांडाचे प्रतीक आहे. यामागे अशी मान्यता आहे:

उत्सर्जित ऊर्जा: जेव्हा एखादा तारा तुटतो, तेव्हा तो प्रचंड ऊर्जा उत्सर्जित करतो. हा क्षण तुमची इच्छा थेट वैश्विक ऊर्जेशी (Cosmic Energy) जोडण्यासाठी सर्वात प्रभावी असतो.

वार्षिक राशीभविष्य २०२६: संपत्ती, करिअर आणि कौटुंबिक जीवनात कोणत्या राशींना मिळणार मोठे यश?

ग्रह-नक्षत्रांची अनुकूलता: ज्योतिषानुसार, जेव्हा आकाश अशा प्रकारे तेजस्वी किरणांनी भरलेले असते, तेव्हा ग्रहांचे आणि नक्षत्रांचे इच्छापूर्तीसाठी एक अनुकूल आणि शक्तिशाली वातावरण तयार होते.

जेमिनी राशीचा प्रभाव: 'जेमिनीड' उल्का वर्षाव मिथुन (Gemini) राशीतून होताना दिसतो. मिथुन ही संवाद, विचार आणि इच्छाशक्तीची रास आहे. या राशीच्या प्रभावात व्यक्त केलेल्या इच्छांना अधिक बळ मिळते, असे मानले जाते.

इच्छापूर्तीसाठी काय करावे? (नियम)

२०२५ च्या या सरत्या वर्षात तुमची कोणतीही मोठी इच्छा अपूर्ण राहिली असेल, तर ती पूर्ण करण्यासाठी १३ आणि १४ डिसेंबरची रात्र सर्वात शुभ मानली जाते.

वेळ: १३ डिसेंबरच्या मध्यरात्रीनंतर किंवा पहाटेपर्यंत तुमच्या वेळेनुसार कधीही आकाशात पाहा.

इच्छा व्यक्त करा: आकाशात तुटणारा तारा (Meteor) दिसताच, क्षणाचाही विलंब न करता, आपली सर्वात मोठी इच्छा (Wish) अत्यंत तीव्रतेने आणि एकाग्रतेने मनात इच्छा प्रगट करा.

गोपनीयता: हा नियम सर्वात महत्त्वाचा आहे. तुम्ही कोणती इच्छा मागितली आहे, हे कोणालाही सांगू नका. तुमची इच्छा पूर्ण होईपर्यंत ती गुप्त ठेवल्यास, इच्छापूर्तीची शक्यता दाट होते.

ज्योतिष आणि खगोलशास्त्र दोन्ही या क्षणाला विशेष महत्त्व देतात. त्यामुळे, या सरत्या वर्षात तुमच्या मनात असलेल्या अपूर्ण इच्छांना पूर्ण करण्याची ही अद्भुत संधी गमावू नका!

यासंदर्भात ज्योतिषी कुमार व्यास यांचा व्हिडीओ पाहा -