Astro: सावधान! नशिबाला दोष देण्यापूर्वी एकदा 'हे' वाचा; तुमच्या कोणत्या साध्या चुकीमुळे कोणता ग्रह कोपतोय?

Astro Tip: अपयश येताच उठसूट आपण नशिबाला दोष देतो, पण ग्रहदशा कशामुळे बिघडते हे जाणून घेतले तर चुका सुधारता येतील आणि ग्रहदोष दूर करता येईल. 

ज्योतिषशास्त्रानुसार, आपल्या कुंडलीतील ग्रहांच्या स्थितीचा आपल्या जीवनावर मोठा परिणाम होतो. अनेकदा आपण नशिबाला दोष देतो, पण वास्तवात आपल्या दैनंदिन सवयी, वागणूक आणि आपले 'कर्म' आपल्या ग्रहांच्या शुभ किंवा अशुभ फळांना कारणीभूत असतात. कसे ते जाणून घेऊ. 

हे ही वाचा : Numerology: 'या' जन्मतारखेच्या लोकांकडे असते समोरच्याचं मन वाचण्याची दैवी शक्ती!

कुंडलीत ग्रहदशा खराब होण्यामागे केवळ ग्रहांची चाल नसते, तर आपल्या काही विशिष्ट सवयीही त्याला खतपाणी घालत असतात. चला तर मग, जाणून घेऊया नऊ ग्रहांच्या नुकसानीला कारणीभूत ठरणारे आपले वर्तन:

१. सूर्य (Sun): स्वाभिमान की अहंकार?

सूर्य हा आत्म्याचा आणि पित्याचा कारक आहे. जेव्हा तुम्ही उशिरापर्यंत झोपता, वडिलांचा अपमान करता किंवा तुमच्यात अहंकार (Ego) वाढतो, तेव्हा सूर्याचे शुभ फळ मिळणे बंद होते. यामुळे समाजात मान-सन्मान कमी होतो.

२. चंद्रमा (Moon): मन आणि आईचा सन्मान

चंद्र हा मनाचा आणि पाण्याचा कारक आहे. पाण्याचा अपव्यय करणे आणि आई किंवा आईसमान स्त्रियांचा अनादर करणे यामुळे चंद्र खराब होतो. याचा थेट परिणाम तुमच्या मानसिक शांतीवर होतो.

३. मंगल (Mars): ऊर्जा आणि शिस्त

मंगळ हा पराक्रमाचा ग्रह आहे. अतिराग, वारंवार होणारी भांडणे आणि सर्वात महत्त्वाचे म्हणजे कराची (Tax) चोरी करणे, घेतलेल्या कर्जाची परतफेड न करणे, फसवणूक करणे, यामुळे मंगळ अशुभ फळ देऊ लागतो. यामुळे कोर्ट-कचेरी आणि आरोग्याच्या समस्या उद्भवू शकतात.

हे ही वाचा : Vastu Tips: घराचा मुख्य दरवाजा दक्षिण दिशेला आहे? करा 'हा' बिनखर्चिक उपाय; मिळेल अभेद्य सुरक्षा कवच!

४. बुध (Mercury): वाणीचा प्रभाव

बुध हा बुद्धी आणि वाणीचा कारक आहे. शिवराळ किंवा निंदनीय शब्दांचा वापर करणे आणि विनाकारण बढाया मारणे (निरर्थक बडबड) यामुळे बुध खराब होतो. याचा परिणाम तुमच्या व्यवसायावर आणि संवादावर होतो.

५. गुरु (Jupiter): ज्ञान आणि आदर

गुरु हा ज्ञानाचा सागर आहे. जेव्हा तुम्हाला तुमच्या ज्ञानाचा अभिमान होतो किंवा तुम्ही मोठ्या माणसांचा अपमान करता, तेव्हा गुरु ग्रह कोपतो. यामुळे भाग्याची साथ मिळणे कठीण होते.

६. शुक्र (Venus): सुख-समृद्धी आणि सौंदर्य

शुक्र हा ऐश्वर्याचा ग्रह आहे. स्त्रियांचा अनादर करणे आणि अस्वच्छ किंवा अस्ताव्यस्त राहणे यामुळे शुक्र खराब होतो. यामुळे घरातील लक्ष्मी दूर जाते आणि सुखात कमतरता येते.

७. शनि (Saturn): कर्माचा न्यायाधीश

शनी हा कर्माचा कारक आहे. मेहनत करण्यापासून पळ काढणे (आळस) आणि नोकर किंवा गरीब माणसांचा अपमान करणे यामुळे शनीची वक्रदृष्टी पडते. कष्ट केल्याशिवाय शनी कधीही प्रसन्न होत नाही.

८. राहू (Rahu): भ्रम आणि फसवणूक

राहू हा संभ्रमाचा कारक आहे. इतरांवर सतत संशय घेणे, मत्सर करणे, पाठीमागे निंदा करणे आणि फसवणूक (धोका) देणे यामुळे राहूचे नकारात्मक परिणाम वाढतात.

हे ही वाचा : Vastu Shastra: तुमच्या घरातील घड्याळ तुमची प्रगती थांबवतंय का? वास्तुशास्त्राचे 'हे' नियम एकदा नक्की वाचा!

९. केतू (Ketu): ओढ आणि विरक्ती

केतू हा मोक्षाचा ग्रह मानला जातो. स्वतःचे दुःख किंवा त्रास सर्वांना सांगत सुटणे आणि अति मोह (Attachement) बाळगणे यामुळे केतू खराब होतो. यामुळे जीवनात विनाकारण मानसिक क्लेश वाढतात.

थोडक्यात सांगायचे तर, आपली नैतिकता, नम्रता आणि स्वच्छता हेच खरे ग्रहांचे उपाय आहेत. ग्रहदशा सुधारायची असेल, तर बाहेर उपाय शोधण्यापेक्षा आधी स्वतःच्या सवयींमध्ये बदल करा.