सेंद्रिय भाजीपाला गाजवू लागला तोरा

शिरूर कासार : कोरोनाने चलनवलनासह खानपानही शिकविले. त्यात रासायनिक खत व कीटकनाशकांसह अन्य घातकी पदार्थांचा वापर करून झटपट देखणा, फसवा, घातकी भाजीपाला आरोग्याला बाधक ठरतो, हे आता लक्षात आल्याने, गावरान तथा सेंद्रिय भाजीपाला आपला तोरा गाजवू लागला. वारणीचा महिला बचत गट या कामी सक्रिय होता, परंतु विक्रीसाठी जागा उपलब्ध नव्हती. जागतिक कृषी दिनी तहसीलदार यांनी नगरपंचायतीचा बाजारओटा मिळवून देण्याचा शब्द दिला होता. त्याची पूर्ती शनिवारी करण्यात आली. तहसीलदार श्रीराम बेंडे यांचे हस्ते सेंद्रिय भाज्या विक्री स्टाॅलचे उद्घाटन करण्यात आले.

तालुका कृषी विभाग, पंचायत समिती व उमेद यांच्या संयुक्त विद्यमाने हा उपक्रम राबविला जात आहे. यावेळी उमेदचे तालुका अभियान समन्वयक विठ्ठल ढाकणे, तालुका समन्वयक कुंदन मोरे, अमोल गलांडे, विजय दिवटे, कृषी सहायक कविता ढाकणे, संजय फरताडे आदी उपस्थित होते.

भूमाता सेंद्रिय शेती उत्पादक गटाच्या महिलांचा धाडसी उपक्रम

सध्या सर्वत्र देखणा आणि चमकदार मालाची भुरळ सर्वांनाच पडली आहे, अशा परिस्थितीत गावरान तथा सेंद्रिय खतावरचा भाजीपाला पिकविण्याचे धाडस बचत गटाने केले. याचे फायदे लक्षात आणून देत, ग्राहकाच्या गळी हा आरोग्यमयी भाजीपाला उतरविण्याचे धाडसी काम करत आहेत, यात महिला बचत गटाच्या मिरा गिरी, प्रतिभा जगताप, जयश्री घुले, रत्नमाल केदार, तारामती केदार आदी महिला पिकविणे आणि विक्री करणे या कामात यशस्वी होत आहे.

स्वस्तात गुणकारी औषधी स्टाॅलवर

भाजीपाल्याबरोबरच स्टाॅलवर दशपर्णी अर्क, निम अर्क, वेस्टडी काॅम्पोस्ट, जीवामृत यांसारखे तयार केलेले सेंद्रिय औषधी स्वस्तात व गुणकारी असलेल्या भाज्या ठेऊन महिला प्रबोधनही करत आहेत.

240721\img-20210724-wa0023.jpg

शेंद्रिय शेती भाजीपाला विक्रीसाठी स्वतंत्र स्टाॅल शुभारंभ प्रसंगी तहसिलदार श्रीराम बेंडे सह विठ्ठल ढाकणे ,कुंदन मोरे ,कविता ढाकणे बचत गटाच्या मिरा गिरी आदी