आष्टी : पायी चालत असलेल्या एका व्यक्तीचा दुचाकीच्या जोरदार धडकेत जागीच मृत्यू झाला. हा अपघात मंगळवारी (दि.२) रात्री ७ ते ८ च्या दरम्यान पांढरी गावाजवळ बीड अहमदनगर मार्गावर घडला.
मंगळवारी सायंकाळी ७ वाजेच्या दरम्यान आष्टी येथील दशरथ सोमीनाथ विटकर वय ( ४०, वडारगल्ली ) हे बीड-अहमदनगर मार्गावरुन पायी जात होते. पांढरी गावाजवळ त्यांना जामखेडकडे जाणाऱ्या एका दुचाकीने ( क्रं. MH42 AB 2924 ) जोरदार धडक दिली. यात दशरथ विटकर गंभीर जखमी झाल्याने त्यांचा जागीच मृत्यू झाला. बुधवारी दुपारी १ वाजता त्यांच्यावर अंत्यसंस्कार करण्यात आले. त्यांच्या पश्चात पत्नी, २ मुले, २ मुली असा परिवार आहे. याबाबत आष्टी पोलीस ठाण्यात शिवराम सोमनाथ विटकर यांच्या फिर्यादीवरून २७९,३०४अ भा.द.वी. नुसार गुन्हा दाखल झाला असून पुढील तपास पो.ह. बी. ए. जायभाय हे करत आहेत.