Beed News | Latest Beed News in Marathi | Beed Local News Updates | ताज्यबातम्या बीड | बीड समाचार | Beed Newspaper

किल्ले धारूर ( बीड ): धारूर येथील पत्रकार दिगांबर शिराळे यांचे खामगाव पंढरपूर या राष्ट्रीय महामार्गावर मागील पंधरा दिवसांपूर्वी अपघाती निधन झाले होते . या प्रकरणात दोषी असणाऱ्या संबंधित वाहनावर व रस्ते विकास महामंडळाच्या अधिकाऱ्यावर सदोष मनुष्यवधाचा गुन्हा तात्काळ नोंद करून कारवाई करण्यात यावी या मागणीसाठी आज धारूर पत्रकार संघाच्यावतीने चोरांबा फाटा येथे आज दुपारी रस्तारोको आंदोलन करण्यात आले.खामगाव - पंढरपूर या राष्ट्रीय महामार्गावर चोरांबा फाटा दरम्यान तब्बल बारा किमीचा मार्ग अरुंद आहे. त्यामुळे मागील तीन वर्षात येथे मोठ्या प्रमाणामध्ये अपघाताचे प्रमाण वाढले आहे. दरम्यान, १ जून रोजी धारूर येथील पत्रकार डिगांबर शिराळे यांचे याच अरुंद मार्गावर अज्ञात वाहनाच्या धडकेत अपघाती निधन झाले. परंतु, अपघात होऊन पंधरा दिवसांचा कालावधी उलटला तरी शिराळे यांच्या कुटुंबियांना न्याय मिळाला नाही. धडक दिलेल्या वाहनावर गुन्हा दाखल करण्यात यावा, अरुंद रस्त्यामुळे अपघात झाला असून संबंधित अधिकाऱ्यांवर सदोष मनुष्यवधाचा गुन्हा दाखलकरून रस्ता रुंदीकरण करण्यात यावे, अशी मागणी धारूर तालुका पत्रकार संघाने निवेदनद्वारे तहसिलदार व पोलीस स्टेशन धारूर यांना केली होती. मात्र, १५ दिवस उलटूनही या प्रकरणी काहीच प्रगती झाली नसल्याने आज दुपारी धारूर पत्रकार संघाच्यावतीने चोरांबा पाटी येथे रास्तारोको आंदोलन करण्यात आले. आंदोलनात पत्रकारांबरोबर चोरांबा येथील ग्रामस्थांनी सहभाग घेतला. नायब तहसिलदार जी. बी. तापडीया यांनी मागण्यांचे निवेदन स्विकारले.

Beed (Marathi News)

लातूर, उस्मानाबादला सेवा वर्ग, आयुक्तांच्या आदेशानंतर उपसंचालकांची कारवाई ...

ताबा सुटल्याने गाडी रस्त्यच्या खाली उतरली ...

माहेरच्या मंडळींनी सासरच्यांवर आक्षेप घेत पतीसह सासू व सासऱ्यास जिल्हा रुग्णालयातच पकडून मारहाण केली. ...

पोलीस कोठडीतून हाती काहीच नाही : एजंट, शिकाऊ डॉक्टर, लॅबवाल्यासह नातेवाइकांना न्यायालयीन कोठडी ...

औरंगाबाद विभागात ८५ हजार ५३३ विद्यार्थ्यांनी ७५ टक्क्यांपेक्षा अधिक गुण मिळविले. ...

दोन दिवसांपूर्वी पकडलेल्या डॉक्टरच्या औरंगाबादमधील घरून सोनोग्राफी मशीन जप्त करण्यात आली आहे. ...

खामगाव - पंढरपूर या राष्ट्रीय महामार्गावर चोरांबा फाटा दरम्यान तब्बल बारा किमीचा मार्ग अरुंद आहे. ...