Beed News | Latest Beed News in Marathi | Beed Local News Updates | ताज्यबातम्या बीड | बीड समाचार | Beed Newspaper

राजेश खराडे बीडमागणीच्या तुलनेत रोहित्रांचा तुटवडा भासत असल्याने विभागातून शेतकऱ्यांची गरज पूर्ण होत नाही. रबी हंगामातील पिके पाण्यावर आली आहेत. यंदा मुबलक प्रमाणात पाणी साठा असूनदेखील केवळ रोहित्रांअभावी पिके सुकत आहेत. परिणामी विभागीय कार्यालयात रोहित्रांच्या मागणीसाठी शेतकऱ्यांची वर्दळ वाढत आहे.गेल्या दोन ते तीन वर्षांपासून जिल्ह्यात दुष्काळजन्य परिस्थिती होती. त्यामुळे उभ्या जागी रोहित्रे निकामी झाली आहेत. गेल्या आठ दिवसांपासून रबीतील पिकांना पाणी देण्याची प्रक्रिया सुरू झाली असून, रोहित्र नादुरुस्त होण्याचे प्रमाणही वाढले आहे. महिनाकाठी बीड व अंबाजोगाई विभागात २०० रोहित्र निकामी होत असून, त्याबदल्यात मुख्य कार्यालयाकडून १६० रोहित्रांचाच पुरवठा होत आहे. दर महिन्याला मागणी आणि पुरवठ्यात ४० रोहित्रांची तफावत असल्याने पूर्तता करताना अधिकारी, कर्मचाऱ्यांची दमछाक होत आहे.बीड विभागांतर्गत बीड ग्रामीण, पाटोदा, शिरूर कासार, आष्टी, गेवराई, तालुक्यांचा समावेश आहे. यामध्ये रोहित्रे बिघाडाचे सर्वाधिक प्रमाण गेवराई तालुक्यात असून, याच तालुक्यात सर्वांत कमी वसुलीही होत आहे. नादुरुस्त झालेल्या रोहित्रांची संख्या मोठ्या प्रमाणात असल्याने दुरुस्ती एजन्सीकडूनही रोहिेत्रांची वेळेत दुरुस्ती होण्यास विलंब होत आहे. वेळेत रोहित्र न मिळाल्याने शेतकऱ्यांत असंतोष निर्माण होऊ लागला आहे. रोहित्रांसाठी मादळमोही येथे रास्ता रोको झाला असून, मंगळवारी चकलांबा येथेही याचसाठी आंदोलन केले होते, तर बुधवारी सिरसमार्ग येथील उपकेंद्रास संतप्त शेतकऱ्यांनी टाळे ठोकले होते. पाणी असूनदेखील डोळ्यादेखत पिके सुकत असल्याने शेतकऱ्यांमध्ये संताप आहे.सद्य:स्थितीला बीड विभागात २११, तर अंबाजोगाई विभागात २०० रोहित्र नादुरुस्त आहेत. दिवस उजाडताच रोहित्रांच्या मागणीसाठी शेतकऱ्यांची विभागीय कार्यालयात रीघ लागत आहे. सर्वच ठिकाणचे कृषीपंप सुरू झाले असल्याने विजेची मागणी वाढत आहे. शिवाय, उपकेंद्राच्या वाहिनीवरील भार वाढल्याने नियमित आठ तासही विद्युत पुरवठा करण्यास महावितरण कार्यालय असमर्थ ठरत आहे.स्थानिक पातळीवरील अधिकारी शेतकऱ्यांच्या मागणीची पूर्तता न करता थेट विभागीय कार्यालयाशी संपर्क साधण्याचा सल्ला देत आहेत. २०० नव्या रोहित्रांची पूर्तता करण्याच्या मागणीचे पत्र विभागीय कार्यालयाने मुख्य कार्यालयाकडे दिले असल्याचे अधीक्षक अभियंता रतन सोनुले यांनी सांगितले. त्यामुळे रोहित्रे मिळण्याच्या आशा निर्माण झाल्या आहेत. कृषी पंपाचा प्रश्न मार्गी लावण्यासाठी रोहित्रांची गरज आहे.

Beed (Marathi News)

बीड/आष्टी : मागील २४ तासांत जिल्ह्यात झालेल्या चार वेगवेगळ्या अपघातांत चौघांना आपला प्राण गमवावा लागला. ...

एका प्रवाशी महिलेकडे येथील स्वच्छतागृहचालकाने गुरुवारी दुपारी तीन रुपये मागत अरेरावी केली. ...

बीड मागणीच्या तुलनेत रोहित्रांचा तुटवडा भासत असल्याने विभागातून शेतकऱ्यांची गरज पूर्ण होत नाही. ...