गायरान हक्क अभियानाच्यावतीने अर्धनग्न मोर्चा

अंबाजोगाई : गायरान हक्क अभियानाच्या बीड जिल्ह्यातील गायरान धारकांच्या विविध मागण्यांसाठी उपजिल्हाधिकारी कार्यालयावर अर्धनग्न मोर्चा काढण्यात आला.

१५ ऑगस्ट रोजी येथील डॉ. बाबासाहेब आंबेडकर चौक येथून अर्धनग्न मोर्चा बसस्थानक, छत्रपती शिवाजी महाराज चौक मार्गाने उपजिल्हाधिकारी कार्यालयावर धडकला. मोर्चेकऱ्यांनी आपल्या विविध मागण्यांचे निवेदन उपजिल्हाधिकारी शरद झाडके यांना दिले. या मोर्च्यात वडवणी, केज, धारुर, परळी, अंबाजोगाई येथील शेकडो महिला, पुरुष मुलाबाळांसह सामील झाले होते.

गायरानधारक उषा पांडुरंग नवगिरे, नंदाबाई माणिक जोगदंड, सुशिला राम गायकवाड, राधा व्यंकट जोगदंड, सुनंदा गोपाळ जोगदंड, राम सखाराम गायकवाड, व्यंकट नारायण जोगदंड, माणिक कोंडीबा जोगदंड सामील होते.

या अर्धनग्न मोर्चाचे नेतृत्व गायरान हक्क अभियानाचे संस्थापक-अध्यक्ष ॲड. विलास लोखंडे, मराठवाडा अध्यक्ष परमेश्वर जोगदंड, वंचित ब. आघाडी तालुका अध्यक्ष संजय तेलंग, वंचित प्रवक्ते गोविंद मस्के, वंचित महासचिव उमेश शिंदे, रमेश कोळी, धम्मा कासारे, बालू धिरे, मुंजा गायकवाड, अमोल जोगदंड यांनी केले.

सरकारी गायरान अतिक्रमण धारकांच्या नावे तात्काळ नियमानुकूल करावे, त्यांच्या १ ई ला नोंदी घेऊन वहीतीक्षेत्राचे पेरणी पंचनामे करावेत, फौजदारी प्रकरणाचा दस्त तसेच संबंधित ग्रामपंचायतीने जर गायरान धारकाच्या हितामध्ये अतिक्रमण असल्याचे प्रमाणपत्र दिले असेल, तर त्याआधारे अल्पभूधारक योजना, प्रमाणपत्राच्या आधारे पीक विमा, पीक कर्ज योजना, मोफत बी-बियाणे योजनेचा लाभ द्यावा, अतिक्रमण असल्याचे माहीत असताना जर संबंधित ग्रामपंचायतीने गायरान वनीकरणाकडे वर्ग करण्याचे ठराव पारित केले असतील, तर त्यांच्याविरुद्ध ॲट्रॉसिटी ॲक्टप्रमाणे गुन्हे दाखल करण्यात यावेत, आदी मागण्यांचे निवेदन प्रशासनाला देण्यात आले.

160821\img-20210815-wa0131.jpg

अंबाजोगाईत निघाला मोर्चा