राष्ट्रवादी काँग्रेस पार्टी आयोजित "आठ दशके कृतज्ञतेची" अभियानात "स्वाभिमान महोत्सव"मध्ये राष्ट्रवादी काँग्रेस पार्टीद्वारा या नदीमध्ये एकदिवसीय श्रमदान झाले होते. हा प्रकल्प धनंजय मुंडे यांच्या मार्गदर्शनाखाली पूर्ण करण्याचा संकल्प केला होता. हा बंधारा ओसंडून वाहत आहे. प्रकल्प ७५ % पूर्ण झाला असून, सुशोभिकरणाचे काम कार्यान्वित आहे. लवकरच हा प्रकल्प पूर्ण होईल. हा प्रकल्प पूर्णत्वास जायच्या अगोदरच नगर परिषद, परळी वैजनाथ पालिकेस राज्यात चौथा "वसुंधरा पुरस्कार" प्राप्त झाला आहे.
राज्याचे सामाजिक न्यायमंत्री तथा बीड जिल्ह्याचे पालकमंत्री धनंजय मुंडे यांच्या प्रेरणेतून नगर परिषद गटनेते वाल्मिक कराड यांच्या मार्गदर्शनाखाली व नगराध्यक्षा सरोजनी हालगे व मुख्याधिकारी अरविंद मुंडे यांच्या सहकार्याने माजी नगराध्यक्ष तथा नगरसेवक व राष्ट्रवादी काँग्रेसचे शहराध्यक्ष बाजीराव धर्माधिकारी यांच्या पुढाकारातून हे काम झाले. परळी ते चांदापूर रोडवरील घणशी नदीचे वैशिष्ट्यपूर्ण योजनेअंतर्गत साखळी सिमेंट बंधारा, नदी सरळीकरण व खोलीकरण काम झाले असून, आज बंधारा ओसंडून वाहत आहे. या बंधाऱ्याचा जुन्या गावभागाला खूप मोठा लाभ होणार आहे.
२२ रोजी पालकमंत्री धनंजय मुंडे यांच्याहस्ते जलपूजन करण्यात आले. या जलपूजन कार्यक्रमास आ. संजय दौड, नगराध्यक्षा सरोजनी हालगे, शिवाजी शिरसाठ, प्रा. मधुकर आघाव, माजी नगराध्यक्ष जाबेर खान पठाण, वैजनाथ सोळंके, तुळशीराम पवार, रवींद्र परदेशी, नगरसेवक अय्युब पठाण, गोविंद मुंडे, श्रीकृष्ण कराड, गोपाळ आंधळे यांच्यासह पदाधिकारी नागरिक उपस्थित होते.