पाटोदा (बीड): पाटोदा-शिरूर कासार तालुक्याच्या सीमेवर असलेल्या डोंगरदेवी दगडवाडी शिवारात सोमवारी सकाळी रक्ताचा थरार पाहायला मिळाला. रायमोह येथील रहिवासी असलेल्या चांद ऊर्फ गुड्डू अलाउद्दीन तांबोळी (वय ३०) या तरुणाची अज्ञात आरोपींनी दगडाने ठेचून निर्घृण हत्या केल्याची घटना उघडकीस आली आहे. या घटनेमुळे संपूर्ण जिल्ह्यात खळबळ उडाली आहे.
नेमकं काय घडलं? चांद हा व्यवसायाने रंगारी होता आणि कष्ट करून आपला उदरनिर्वाह करत असे. सोमवारी सकाळी ८ वाजेच्या सुमारास दगडवाडी शिवारात नागरिकांना एक मृतदेह रक्ताच्या थारोळ्यात पडलेला दिसला. जवळ जाऊन पाहिले असता गुड्डूचा चेहरा ओळखूनही येत नव्हता. मारेकऱ्यांनी त्याच्या डोक्यावर दगडाने इतके भीषण प्रहार केले होते की त्याचा जागीच मृत्यू झाला होता.
घटनेची माहिती मिळताच पाटोदा पोलीस ठाण्याचे पोलीस निरीक्षक विनोद घोळवे आणि त्यांच्या पथकाने तातडीने घटनास्थळी धाव घेतली. पोलिसांनी पंचनामा करून मृतदेह उत्तरीय तपासणीसाठी रायमोहच्या शासकीय रुग्णालयात पाठवला आहे. हा खून पूर्ववैमनस्यातून झाला की पैशांच्या व्यवहारातून, याचा तपास पोलीस करत आहेत. सध्या रायमोह परिसरात तणावपूर्ण शांतता असून आरोपींना तत्काळ अटक करण्याची मागणी ग्रामस्थांनी केली आहे.
Web Summary : In a shocking incident in Beed, a painter, Chand Tamboli, was brutally stoned to death in Dagadwadi. Police are investigating the motive, suspecting old grudges or financial disputes. The village is tense, demanding immediate arrest of the culprits.
Web Summary : बीड के दगडवाड़ी में एक चौंकाने वाली घटना में, एक रंगकर्मी, चांद तांबोली की बेरहमी से पत्थर मारकर हत्या कर दी गई। पुलिस पुराने विवाद या वित्तीय लेन-देन के संदेह में मामले की जांच कर रही है। गांव में तनाव है और दोषियों की तत्काल गिरफ्तारी की मांग की जा रही है।