TVS ची नवीन बाईक Ronin 225 उद्या होणार लॉन्च, जाणून घ्या किंमत आणि फीचर्स...

TVS Ronin 225 Bike : लॉन्च होण्यापूर्वीच टीव्हीएसच्या या नवीन बाईकचे फोटो इंटरनेटवर व्हायरल होत आहेत. या आगामी बाईकचे फीचर्स आणि अपेक्षित किंमत, जाणून घेऊया...

नवी दिल्ली : टीव्हीएस (TVS) कंपनी 225 सीसी सेगमेंटमध्ये टीव्हीएस रॉनिन (TVS Ronin) बाईक उद्या (6 जुलै 2022) लाँच करण्यासाठी सज्ज आहे. मात्र, लॉन्च होण्यापूर्वीच टीव्हीएसच्या या नवीन बाईकचे फोटो इंटरनेटवर व्हायरल होत आहेत. या आगामी बाईकचे फीचर्स आणि अपेक्षित किंमत, जाणून घेऊया...

नवीन TVS Ronin बाईक फुल- एलईडी लाइटिंगसह लॉन्च केली जाईल. यात गोल हेडलाइट, कॉम्पॅक्ट इन्स्ट्रुमेंट क्लस्टर, स्क्रॅम्बलर-स्टाइल डिझाईनसह टिअर-ड्रॉप शेप्ड फ्युल टँक, सिंगल-पीस सॅडल आणि साइड-स्लंग एक्झॉस्ट यासारखे स्टाइलिंग एलिमेंट नवीन मॉडर्न फीचर्स दिले आहेत, जे बाईकला आकर्षक आणि प्रीमियम डिझाइन देतात.

माहितीनुसार, या बाईकच्या हार्डवेअरमध्ये 223 सीसी सिंगल-सिलेंडर इंजिन दिले जाऊ शकते, ज्याचे आउटपुट जवळपास 20bhp आणि  20Nm पर्यंत टॉर्क अपेक्षित आहे आणि ज्यामध्ये एअर आणि ऑइल कूल्ड इंजिन सारखे फीचर्स असू शकतात. फोटोंवरून मिळालेल्या माहितीनुसार, या TVS बाईकच्या दोन्ही चाकांवर अपसाइड-डाउन फ्रंट फोर्क्स, मागील मोनो-शॉक आणि डिस्क ब्रेक्स मिळतील.

टीव्हीएस आपल्या बजेट सेगमेंट बाईक्ससाठी भारतीय बाजारपेठेत अनेक वर्षांपासून खूप लोकप्रिय आणि सक्रिय आहे. लीक झालेल्या माहितीनुसार, Zeppelin पॉवर क्रूझर मोटरसायकलची संकल्पना या टीव्हीएसने काही वर्षांपूर्वी ऑटो एक्सपोमध्ये दिसून आली होती, परंतु TVS Ronin चा लूक त्या संकल्पनेपेक्षा खूपच वेगळा दिसत आहे. 

या बाईकमध्ये अपराइट सीटिंग पोझिशन दिसेल. अतिशय कॉम्पॅक्ट दिसणारी ही बाईक डिझाईनच्या बाबतीत ट्रायम्फ ट्रायडंटसारखीच दिसते. याचबरोबर, या आगामी टीव्हीएस बाईकची किंमत उद्या लॉन्च झाल्यानंतर कळेल, परंतु तज्ज्ञांच्या मते, या बाईकची संभाव्य किंमत 1.50 लाख ते 1.60 लाख रुपये (सर्व किंमती, एक्स-शोरूम) दरम्यान असू शकते.