Ola S1 Pro Scooter Problems List: एक दोन नाहीत, ओला एस१ प्रोमध्ये २५ प्रॉब्लेम्स; ग्राहक सांगून सांगून वैतागले

Ola S1 and S1 Pro scooters Problems list in Marathi: जगातील सर्वात मोठी मागणी नोंदविलेल्या या स्कूटरमध्ये एवढ्या समस्या आल्या की ग्राहक सोशल मीडियावर तक्रारी करू लागले आहेत.

गेल्या वर्षभरात ओलाच्या स्कूटरने जेवढी प्रसिद्धी कमावली तेवढीच गमावलीसुद्धा आहे. ओलाच्या स्कूटरला तुफान प्रतिसाद मिळाला होता, परंतू ग्राहकांना डिलिव्हरी काही होता होत नव्हती. आज देतो, उद्या देतो असे म्हणत अखेर कंपनीने डिसेंबर, जानेवारीला मोजक्या ग्राहकांना स्कूटर देण्यास सुरुवात केली आणि याच मोजक्या ग्राहकांनी ओलाच्या या हायफाय स्कूटरची पिसे काढली. 

OLA S1 Pro Vs TVS iQube ST: ओला स्कूटरची पर्चेस विंडो खुली झाली, पण जरा थांबा! TVS ने दिला त्याहून भारी पर्याय

जगातील सर्वात मोठी मागणी नोंदविलेल्या या स्कूटरमध्ये एवढ्या समस्या आल्या की ग्राहक सोशल मीडियावर तक्रारी करू लागले. कोणाची स्कूटर आल्या आल्याच बंद पडली, कोणाची सुस्साट मागे धावू लागली, कंपनीने सांगितलेली रेंज कोणालाही मिळाली नाही. कोणाची जळाली, कोणाची तुटली. अगदी कालपर्यंत या स्कूटरचे प्रॉब्लेम काही कंपनीला सॉल्व्ह करता आलेले नाहीत. सुरुवातीला १.०८ लाख रुपयांना मिळणारी ही स्कूटर आता १.४ लाखांवर जाऊन पोहोचली. ही देखील एक समस्याच बरं का. कारण ओलाच्या अॅपवरून बुकिंग करताना कंपनीने काही बँका फायनान्ससाठी दिल्यात. त्यांच्याकडून कर्ज घेतानाही लोकांना समस्या येऊ लागल्या आहेत. कोणाला फायनान्सचा ऑप्शनच दिसत नाहीय. म्हणजे बँकांची यादी रिकामी दिसतेय. 

ओलाचे मोठमोठे अधिकारी एकामागोमाग एक असे रांगेत कंपनी सोडत आहेत. यामध्ये एक क्वालिटीचे बडे अधिकारी पण आहेत. ओलाच्या इलेक्ट्रीक स्कूटरमध्ये एक दोन नाही तर ग्राहकांनीच नोंदविलेले २४ ते २५ प्रॉब्लेम आहेत. काहींना ही स्कूटर घेतल्यापासून तीनदा ही स्कूटर कंपनीकडे टो करून पाठवावी लागली आहे. चला ओला एस १ प्रो स्कूटरमध्ये काय काय समस्या आहेत ते पाहू... (OLA Electric Scooter Problems)

1. अचानक बॅटरी संपण्याची समस्या
2. हँडल सैल होण्याची समस्या
3. अचानक स्पीड ड्रॉप समस्या
4. 50% चार्ज झाल्यानंतरही शटडाउन
5. डिस्प्ले चालू होत नाही
6. बॅटरी संपल्यावर अंडरसीट स्टोरेज लॉक होते
7. अॅक्सलरेटर ग्लिच: अचानक रिव्हर्स मोडमध्ये जाणे
8. बॅटरी संपल्यावर हँडल लॉक होते
9. खराब क्लालिटीचा साइड स्टँड
   
   Ola Scooter Fire: ओला स्कूटरला भविष्यातही आग लागू शकते; कंपनी मालकानेच केला खुलासा
    
10. डिस्प्ले आपोआप बंद होणे
11. टर्न-इंडिकेटर स्विचेस, होम बटण योग्यरित्या काम करत नाही
12. इलेक्ट्रिक स्टार्ट स्विच काम करत नाही
13. OS अचानक काम करणे थांबवते
14. विक्रीनंतरची खराब सेवा
15. रोडसाइड असिस्टंट (RSA) साठी दीर्घ प्रतीक्षा करा
16. इन्स्ट्रुमेंट क्लस्टर स्क्रीन स्वतःच चालू आणि बंद होते
17. इको मोड स्वतःच सुरु होतो.
18. मागील डिस्क ब्रेकमध्ये आवाजाची समस्या
19. चार्जिंग पोर्ट लिड जाम होणे
20. स्कूटर पॅनेलमधील मोठे गॅप
21. थोडा दाब पडला तरी ब्रेक लीव्हर डॅमेज होणे
22. 30% बॅटरी असल्यास छोटी चढणही चढत नाही. 
23. चार्ज केल्याचे डिस्प्लेने दाखवले तरीही स्कूटर बंद पडते
24. डिस्प्ले 5-10 मिनिटांसाठी काम करणे थांबवतो, अडकतो आणि काहीही वापरता येत नाही
25. आरटीओ नोंदणी आणि विमा दाव्याच्या समस्या