नवी दिल्ली : फोक्सवॅगनची थोडीशी अँटीक लूकमधली कार बीटलला 80 वर्षे पूर्ण होत असून तिने या काळात बरेच चढउतार अनुभवले आहेत. गेल्या 20 वर्षात ही कार कमालीची लोकप्रिय ठरली होती. या काळात तिने 5 लाखांचा विक्रीचा टप्पा ओलांडला होता. ही कार पहिल्यांदा 1930 मध्ये बनविण्यात आली होती. 2019 मध्ये या कारचे उत्पादन थांबविण्याचा निर्णय फोक्सवॅगनने घेतला आहे.
मूळ बीटल ही कार 1930 मध्ये बनविण्यात आली होती. ही कार जर्मनीचा हकुमशहा अॅडॉल्फ हिटलरमुळे दुसऱ्या महायुद्धाच्या काळात कमालीची प्रसिद्ध झाली होती. यानंतर 1960 मध्ये या छोट्याशा कारने लोकांच्या मनात घर केले होते. 1979 मधील एका समस्येनंतर फोक्सवॅगनने अमेरिकेत या कारची विक्री बंद केली होती. परंतू मेक्सिको आणि लॅटीन अमेरिकेमध्ये या कारची विक्री सुरु होती.