driving license and certificate of registration made online these services can be availed without going to rto | भारीच! ड्रायव्हिंग लायसन्स, RC साठी RTO कडे जाण्याची नाही गरज; घरबसल्या ऑनलाईन मिळणार 'या' 18 सुविधा 

भारीच! ड्रायव्हिंग लायसन्स, RC साठी RTO कडे जाण्याची नाही गरज; घरबसल्या ऑनलाईन मिळणार 'या' 18 सुविधा 

नवी दिल्ली - ड्रायव्हिंग लायसन्स (Driving License) तयार करणं आता आणखी सोपं होणार आहे. कारण वाहन चालविण्याचा परवाना मिळविण्यासाठी आरटीओमध्ये जाण्याची गरज भासणार नाही. आरटीओशी संबंधित 18 सेवा (RTO Online Services) आता ऑनलाईन झाल्या आहेत, रस्ते वाहतूक आणि महामार्ग मंत्रालयाने (Ministry of Road Transport and Highways) एक नवीन अधिसूचना जारी केली असून अनेक महत्त्वपूर्ण सेवा डिजिटल करण्यात आल्या आहेत. रस्ते, वाहतूक आणि महामार्ग मंत्रालयाने जारी केलेल्या अधिसूचनेनुसार, नागरिकांना सोयीस्कर व त्रास-मुक्त सेवा देण्यासाठी, अंमलबजावणी करणार्‍या एजन्सींच्या माध्यमातून नागरिकांना संपर्करहीत सेवा मिळण्यासाठी, आधार आवश्यक माहितीसाठी सर्व आवश्यक व्यवस्था करण्यात येणार आहे. 

आधारला ड्रायव्हिंग लायसन्स, RC सोबत लिंक करा

सरकारने कारचे ड्रायव्हिंग लायसन्स आणि नोंदणी प्रमाणपत्र (RC) आधार (Aadhaar) शी लिंक करा. यानंतर आता आधार व्हेरिएशनच्या माध्यमातून ऑनलाईन सेवा मिळू शकतील. सरकारने उचलेल्या पावलामुळे आरटीओमधील गर्दीतून लोकांना दिलासा मिळणार आहे. लोकांना आधार-लिंक्ड व्हेरिफिकेशनसह अनेक सेवा घरबसल्या मिळणार आहेत. 

'या' 18 सेवा झाल्या ऑनलाईन 

आधार लिंक्ड व्हेरिफिकेशनद्वारे 18 सुविधा ऑनलाईन करण्यात आल्या आहेत. यामध्ये ड्रायव्हिंग लायसन्स, ड्रायव्हिंग लायसन्सचे नूतनीकरण (ज्यास ड्रायव्हिंग चाचणीची आवश्यकता नसते), डुप्लिकेट ड्रायव्हिंग लायसन्स, लायसन्स आणि वाहनांच्या आरसीमध्ये पत्ता बदलणे, आंतरराष्ट्रीय ड्रायव्हिंग परमिट, परवान्यामधून वाहन श्रेणी सरेंडर करणं, तात्पुरते वाहन नोंदणी यांचा समावेश आहे.  मोटार वाहनांच्या नोंदणीसाठी अर्ज अशा सेवांचा समावेश आहे. 

'या' अत्यावश्यक सुविधा घरबसल्या होणार उपलब्ध 

इतर सेवांमध्ये नोंदणीचे डुप्लिकेट प्रमाणपत्र जारी करण्यासाठी अर्ज, नोंदणी प्रमाणपत्रासाठी एनओसी मंजूर करण्यासाठी अर्ज, मोटार वाहनाची मालकी हस्तांतरित करण्याची नोटीस, मोटार वाहनच्या मालकीच्या हस्तांतरणासाठी अर्जाचा अर्ज, पत्ता बदलण्याच्या नोटिसीतील नोंदणी प्रमाणपत्र, अर्ज मान्यताप्राप्त वाहन चालक प्रशिक्षण केंद्रावरून चालक प्रशिक्षण घेण्यासाठी नोंदणी करणे, अधिकाऱ्याच्या मोटार वाहनाची नोंदणी करण्यासाठी अर्ज, अधिकाऱ्याच्या मोटार वाहनाचे नवीन नोंदणी चिन्ह असाइनमेंटसाठी अर्ज, भाड्याने-खरेदी कराराचा करार किंवा भाड्याने-खरेदी समाप्ती करार.

फक्त बरीच कागदपत्रे नाहीत तर फक्त आधार पुरेसं

आता वाहन चालविण्याचा परवाना आणि वाहन नोंदणीसाठी इतर कोणतीही कागदपत्रे देण्याची गरज भासणार नाही. आपण फक्त parivahan.gov.in वर जाऊन आपले आधार कार्ड व्हेरिफाय केले पाहिजे. यानंतर आपण या सर्व 18 सुविधांचा लाभ घेऊ शकता. एका हिंदी वेबसाईटने याबाबतचे वृत्त दिले आहे. 


 

Web Title: driving license and certificate of registration made online these services can be availed without going to rto

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.