रेपो रेटचा डबल धमाका! व्याजापोटीचे १.४८ लाख वाचणार, त्यातून ईलेक्ट्रीक स्कूटर घेतली तर आणखी... 

RBI Repo Rate: जर तुम्ही नवीन व्याजदराने बँकेकडून कर्ज घेतले किंवा जुन्या कर्जावर व्याजदर कपात करायला लावली तर तुम्ही व्याजावर खूप पैसे वाचवू शकणार आहात.

रिझर्व्ह बँकेने बँकांना देत असलेल्या कर्जावरील म्हणजेच रेपो दरात ०.५० टक्क्यांची कपात केली आहे. यामुळे हा रेपो रेट ५.५० टक्के झाला आहे. म्हणजेच बँकांना आरबीआयला कमी दराने व्याज द्यावे लागणार आहे. याचाच फायदा ग्राहकांनाही होणार आहे. ग्राहकांनो हा फायदा एकेरी नाही तर दुहेरी लाभ उचलू शकता, कसे ते पाहुया...

जर तुम्ही नवीन व्याजदराने बँकेकडून कर्ज घेतले किंवा व्याजदर कपात करायला लावली तर तुम्ही व्याजावर खूप पैसे वाचवू शकणार आहात. उदा. तुम्ही २० लाखांचे कर्ज २० वर्षांसाठी घेतले असेल तर तुम्ही व्याजापोटी द्यावे लागणार असलेले 1.48 लाख रुपये वाचवू शकणार आहात. हे १.४८ लाख रुपये तुम्ही दुसरीकडे कुठेतरी वापरून त्यातूनही पैसे वाचवू किंवा कमवू शकता. 

कुठेतरी गुंतविले तर तुम्हाला ७ ते ८ टक्के व्याज मिळू शकते. परंतू, त्याहून अधिक फायदा हवा असेल तर तुम्ही तुमच्यासाठी ईलेक्ट्रीक स्कूटर, बाईक घेऊ शकता. आज १.२० ते दीड लाखापर्यंत चांगल्या रेंजच्या इलेक्ट्रीक स्कूटर किंवा मोटरसायकल मिळतात. जर तुमच्याकडे पेट्रोल स्कूटर किंवा बाईक असेल तर वापरले जाणारे पेट्रोलही तुम्ही वाचवू शकता. आहे का नाही दुहेरी फायदा...

जर तुम्हाला नवीन स्कूटर घ्यायची असेल, रनिंग जास्त आहे यामुळे सध्या आहे ती पेट्रोल दुचाकी परवडत नाहीय तर मग तुम्ही तिच्या ऐवजी इलेक्ट्रीक स्कूटर, मोटरसायकल घेऊ शकता. तसेच पेट्रोलवरील दर महिन्याचा होणारा खर्च वाचवू शकता. आता ही स्कूटर कर्जावर घेतली तरी देखील थोडे गणित बदलले तरी तुम्ही बऱ्यापैकी पैसे वाचवू शकणार आहात.