बजाजची 2024 Pulsar NS125 बाईक लाँच, अनेक बदल अन् आधीपेक्षा झाली महाग!

Bajaj Launches 2024 Pulsar NS125: बाजारात या बाईकची थेट स्पर्धा Hero Xtreme 125R आणि TVS Raider 125 होणार आहे.

Bajaj Launches 2024 Pulsar NS125: नवी दिल्ली : नवीन  Pulsar NS160 आणि NS200 लाँच केल्यानंतर आता बजाजने आता अपडेटेड Pulsar NS125 देखील भारतात लाँच केली आहे. नवीन 2024 Bajaj Pulsar NS125 ची किंमत 1,04,922 रुपये (एक्स-शोरूम, दिल्ली) आहे. या किमतीमुळे आता जुन्या मॉडेलच्या तुलनेत 5,000 रुपयांनी महाग झाली आहे. बाजारात या बाईकची थेट स्पर्धा Hero Xtreme 125R आणि TVS Raider 125 होणार आहे.

2024 Bajaj Pulsar NS125 ला देखील मोठ्या पल्सर (NS160 आणि NS200) प्रमाणेच अपडेट मिळतात. बाईकची मस्क्युलर डिझाइन पूर्वीसारखीच ठेवण्यात आली आहे. बाईकच्या फ्रंट डिझाईन, फ्यूल टँक आणि साइड पॅनलमध्ये कोणताही बदल करण्यात आलेला नाही. मात्र, बाईकच्या हेडलाइट्समध्ये काही अंतर्गत बदल करण्यात आले आहेत. यात थंडर-शेप्ड एलईडी डीआरएल देण्यात आले आहेत.

बाईकमध्ये आता स्मार्टफोन कनेक्टिव्हिटीसह पूर्णपणे डिजिटल इन्स्ट्रुमेंट कन्सोल देण्यात आले आहे, ज्याद्वारे रायडर एसएमएस आणि कॉल नोटिफिकेशन्स, फोनची बॅटरी लेव्हल यासारखी माहिती पाहू शकतो. याशिवाय, बाईकमध्ये यूएसबी पोर्ट आणि अँटी-लॉक ब्रेकिंग सिस्टम (एबीएस) देखील देण्यात आले आहे. यूएसबी पोर्टद्वारे तुम्ही तुमचा फोन किंवा इअरफोन्स इत्यादी चार्ज करू शकता आणि अँटी-लॉक ब्रेकिंग सिस्टीमद्वारे सुरक्षिततेची काळजी घेण्यात आली आहे.

याचबरोबर, बाईकमध्ये सिंगल-चॅनल एबीएस सिस्टमसह फ्रंट डिस्क आणि रिअर ड्रम ब्रेक आहेत. यामध्ये 17 इंची अलॉय व्हील्स आहेत. 2024 Pulsar NS125 मध्ये पूर्वीसारखेच 125cc सिंगल-सिलेंडर इंजिन आहे. तसेच, बाईकचे इंजिन 5-स्पीड गिअरबॉक्सशी जोडलेले आहे. हे इंजिन 11.8bhp पॉवर आणि 11Nm टॉर्क जनरेट करते. सस्पेंशनसाठी, बाईकच्या पुढच्या बाजूला टेलिस्कोपिक फ्रंट फोर्क्स आणि मागच्या बाजूला मोनोशॉक आहेत.