सात लाख हेक्टरमध्ये पेरणी

जिल्ह्याच्या एकूण भौगोलिक क्षेत्रापैकी ७ लाख ८१ हजार हेक्टर क्षेत्र लागवडीयोग्य आहे. यापैकी ७ लाख १५ हजार हेक्टर क्षेत्रात...

खरीप पेरणी २०१५-१६ : गतवर्षीच्या तुलनेत ३२ हजार हेक्टरने वाढ
गजानन मोहोड अमरावती
जिल्ह्याच्या एकूण भौगोलिक क्षेत्रापैकी ७ लाख ८१ हजार हेक्टर क्षेत्र लागवडीयोग्य आहे. यापैकी ७ लाख १५ हजार हेक्टर क्षेत्रात यंदाच्या खरीप हंगामाची पेरणी होण्याची शक्यता आहे. गवतर्षी खरिपाचे ६ लाख ८२ हजार पेरणीक्षेत्र होते. त्या तुलनेत यंदा ३२ हजार हेक्टरची वाढ होत आहे.
गतवर्षीच्या खरीप हंगामात पेरणी कालावधीपासून दीड महिना पावसाने दडी मारली. त्यामुळे जुलै, आॅगस्ट महिन्यांपर्यंत पेरणी सुरू होती. या प्रतिकूल परिस्थितीमुळे ६ लाख ८२ हजार हेक्टर क्षेत्रात पेरणी झाली. यावर्षी कृषी विभागाव्दारा ७ लाख १५ हजार हेक्टर क्षेत्राचे नियोजन करण्यात आले आहे. यामध्ये ४५ टक्के म्हणजेच ३ लाख ४० हजार हेक्टर क्षेत्र आले आहे. यामध्ये ४५ टक्के म्हणजेच ३ लाख ४० हजार हेक्टर क्षेत्र सोयाबीनचे आहे. यानंतर १ लाख ९६ हजार हेक्टरमध्ये कापूस, ९९ हजार ५०० हेक्टर क्षेत्रात तूर, ३५ हजार हेक्टरमध्ये मूग, २० हजार हेक्टरमध्ये ज्वारी, ३ हजार ७०० हेक्टरमध्ये उडीद व १६ हजार ७५० हेक्टरमध्ये ईतर पिके राहणार आहेत. या हंगामातील प्रमुख पिकांकरिता गत ५ वर्षांतील पिकाने उच्चतम उत्पादकता प्रमाण मानून खरीप २०१५-१६ करिता ५ टक्के वाढ गृहित धरली आहे.

असे राहणार तालुकानिहाय क्षेत्र
यंदाच्या खरीप हंगामात ७,१४,००० हेक्टर क्षेत्रात पेरणी होणार आहे. यामध्ये अमरावती तालुका ५३,७६० हेक्टर, भातकुली ४६,६५०, नांदगाव ६६,४८०, तिवसा ४४,९७२, चांदूररेल्वे ४५,९५०, धामणगाव ५२,४१०, मोर्शी ६१,४००, वरुड ४२,६६८, चांदूरबाजार ५०,०३०, अचलपूर ४८,८००, अंजनगाव ८०,५६०, दर्यापूर ५५,५००, धारणी ४३,८००, चिखलदरा २२,९५० हेक्टर पेरणीक्षेत्र राहणार आहे.
१३ हजार मेट्रिक टन खत उपलब्ध
कृषी विभागाव्दारा खरीप २०१५-१६ करिता १ लाख ४५ हजार मेट्रीक टन खताची मागणी नोंदविण्यात आली. यापैकी १ लाख १५ हजार ६०० मे.टन साठा मंजूर झाला आहे. त्यापैकी २५ एप्रिलपर्यंत ५ हजार ७५६ मे. टन खताचा पुरवठा झालेला आहे. गेल्या हंगामातील ७ हजार २२७ मे.टन साठा शिल्लक असल्याने जिल्ह्यात १२ हजार ९८३ मे. टन खत उपलब्ध आहे.