राज्यातील ३५ वनतपासणी नाक्यांना कायमचे 'टाळे'; वनसंरक्षकांचा मोठा 'धडाका', शेतकरी सुखावला!

विदर्भातील भंडारा, नागपूर, गोंदिया आणि वर्धेला बसणार फटका; कर्मचारी आता थेट जंगल रक्षणासाठी सरसावणार, वनअधिकारी-कर्मचाऱ्यांत मात्र नाराजीचा सूर

अमरावती : राज्याच्या वनविभागाने एक अत्यंत धाडसी आणि ऐतिहासिक निर्णय घेत आंतरराज्य सीमेवरील तब्बल ३५ वनउपज तपासणी नाके बंद करण्याचा निर्णय घेतला आहे. नागपूरचे वनसंरक्षक गुरुप्रसाद यांनी घेतलेल्या या निर्णयाचे सर्वत्र स्वागत होत असून, यामुळे वर्षानुवर्षे नाक्यांवर अडवणूक होणारा शेतकरी सुखावला आहे. मात्र, दुसरीकडे वनविभागातील काही अधिकारी आणि कर्मचाऱ्यांच्या गोटात या निर्णयामुळे मोठी नाराजी पसरली आहे.

काय आहे 'मास्टर प्लॅन'?वनविभागाच्या या निर्णयामुळे तपासणी नाक्यांवर तैनात असलेला मोठा कर्मचारी वर्ग आता मोकळा होणार आहे. हा मनुष्यबळ आता 'टेबल वर्क' किंवा 'नाक्या'ऐवजी थेट कामांसाठी वापरला जाणार आहे. यात वन्यप्राणी संरक्षणात जंगलातील शिकार रोखण्यासाठी गस्त वाढवणे. मानव-वन्यजीव संघर्षामध्ये वन्यप्राण्यांच्या हल्ल्यांपासून मानवी जीव वाचवणे आणि पर्यावरण रक्षणात वनांचा नाश टाळणे आणि अवैध वृक्षतोडीवर लगाम लावण्याचा कर्तव्यात कर्मचारी तैनात होणार आहे.विदर्भातील या जिल्ह्यांवर परिणामया निर्णयाचा सर्वाधिक परिणाम भंडारा, नागपूर, गोंदिया आणि वर्धा या वनविभागांवर होणार आहे. या भागातील ३५ नाके गुंडाळले जाणार असल्याने येथील सीमावर्ती भागातील वनउपजाची वाहतूक आता अधिक सुलभ होणार आहे.

शेतकऱ्यांची दिवाळी, कर्मचाऱ्यांचे टेन्शन!वनउपज वाहून नेताना नाक्यांवर होणारी अडवणूक आणि तांत्रिक अडचणींमुळे शेतकरी त्रस्त होते. नाके बंद झाल्याने त्यांना मोठा दिलासा मिळाला आहे. मात्र, काही प्रमाणात हा निर्णय योग्य असला तरी अनेकांच्या जिव्हारी लागला आहे, अशी चर्चा वनविभागाच्या अंतर्गत गोटात रंगली आहे. नाक्यांवरील 'अर्थपूर्ण' व्यवहार बंद होणार असल्यानेच ही नाराजी असल्याचे बोलले जात आहे. नागपूर प्रादेशिकचे वनसंरक्षक जी. गुरुप्रसाद यांनी ३१ मार्च २०२६ रोजी घेतलेल्या या निर्णयाची सध्या प्रशासकीय वर्तुळात मोठी चर्चा सुरू आहे. हे वनउपज तपासणी नाके होणार बंदनागपूर वनविभाग: बुटीबोरी, वाडी, भिवापूर, कापसी भंडारा रोड, कामठी, वर्धा, काटोल रोड, दिघोरी, भंडारा वन विभाग: निलज, कारधा, कालागोटा, गिरोला,कांद्री, लवदा, खापा, चिचोलीगोंदिया वन वन विभाग: परसटोला, नवेगाव बांध, आमगांव, सालेकसा रोड आमगांव, कोरणी, कुडवा, फुलचूर, वाढोणा, रोहणा, बागंडापूर, खरांगणा, तळेगाव, हेटी कुडी, रहाटी, पिलापूर, शिवनफळ,वानरचूवा, खेक.आंतराराज्य सीमेवरील हे तपासणी नाके असणार सुरूसावनेर, चोरखैरी, मानेगांव टेक (नागपूर), बपेरा, नाकाडोंगरी (भंडारा), उत्तर देवरी, बोंडराणी, चांदसुरज (गोंदिया)