आरक्षणापूर्वीच सरपंचपदांसाठी रस्सीखेच सुरु!

Akola News सोडत ३ फेब्रुवारी रोजी जिल्हाधिकारी कार्यालयातील नियोजन सभागृहात काढण्यात येणार आहे.

अकोला: जिल्ह्यातील ५३२ ग्रामपंचायतींच्या सरपंचपदांची आरक्षण सोडत १ फेब्रुवारी रोजी जिल्हयातील तालुकास्तरावर आणि महिला सरपंचपदांच्या आरक्षणाची सोडत ३ फेब्रुवारी रोजी जिल्हाधिकारी कार्यालयातील नियोजन सभागृहात काढण्यात येणार आहे. मात्र सरपंचपदांचे आरक्षण जाहीर होण्यापूर्वीच जिल्हयातील २२४ ग्रामपंचायतींमध्ये सरपंचपदांसाठी रस्सीखेच सुरु झाली असून, त्यासाठी आवश्यक असलेल्या ग्रामपंचायत सदस्यांची जुळवाजुळव सुरु करण्यात आली आहे.