प्रवीण खेते / अकोला : राष्ट्रीय तेलबिया आणि तेलताड अभियानांतर्गत राज्यात तेलबिया आणि वृक्ष आधारित ह्यतेलबिया लघु अभियानह्ण राबविण्यात येणार आहे. राज्यात विविधस्तरावर हे अभियान राबविण्यात येणार असल्याने अल्पभूधारक तेलबिया उत्पादक शेतकर्यांना दिलासा मिळणार आहे. निसर्गाच्या लहरीपणामुळे गतवर्षी सोयाबीन, सूर्यफूल, करडई या तेलबिया उत्पादनांचे मोठय़ा प्रमाणात नुकसान झाले. त्याचा परिणाम यंदा तेलबिया उत्पादनावर होणार आहे. अशा स्थितीत तेलबिया उत्पादन स्थिर राहावे, या अनुषंगाने २0१५-१६ या आर्थिक वर्षात राज्यात ह्यतेलबिया लघु अभियानह्ण राबविण्यात येणार आहे. हे अभियान केंद्र पुरस्कृत राष्ट्रीय तेलबिया आणि तेलताड अभियानांतर्गत राबविण्यात येत असून, राज्यातील ह्यकृषी उन्नती योजनाह्ण हा या योजनेचाच एक भाग आहे. या लघु अभियानामध्ये तेलबियांसाठी एक आणि वृक्ष आधारित तेलबियांसाठी तीन या प्रकारे लघु अभियान राबविण्यात येणार आहे. केंद्र व राज्य शासनामार्फत या लघु अभियानासाठी ४८ कोटी ६९ लाख ६६ हजार रुपये एवढा निधी मंजूर करण्यात आला आहे. या लघु अभियानांतर्गत राज्यातील अल्पभूधारक शेतकरी, महिला शेतकरी तसेच अनुसूचित जाती, जमाती प्रवर्गातील शेतकर्यांना अनुदान मिळेल. यानुसार शेतकर्यांना तेलबिया उत्पादनासाठी बियाणे, कीटकनाशके, सल्फर, गंधके, जिवाणू संवर्धने आदि महत्त्वाचे घटक पुरविले जाणार आहेत. राज्यात राबविण्यात येणार्या या अभियानामुळे तेलबिया उत्पादनाला संरक्षण मिळणार असून, उत्पादनवाढीसही मदत होईल.
*असे राबविण्यात येणार लघु अभियान
महाराष्ट्र राज्य कृषी आयुक्तालयाचे सहायक संचालक यांच्या मार्गदर्शनात राज्यस्तरावर तेलबिया लघु अभियान राबविण्यात येणार आहे. विभागीय स्तरावर विभागीय कृषी सहसंचालक कार्यालयातील लेखाधिकारी, जिल्हा स्तरावर जिल्हा अधीक्षक कृषी अधिकारी कार्यालयातील लेखाधिकारी आणि तालुकास्तरावर तालुका कृषी अधिकारी यांच्या मार्गदर्शनात हे अभियान राबविण्यात येणार आहे.