अकोला : बिहार विधानसभा निवडणुकीत अपक्ष म्हणून अररिया आणि जमालपूर या दोन मतदारसंघातून निवडणूक लढविणारे अकोल्याचे पुत्र आणि माजी आयपीएस अधिकारी शिवदीप लांडे यांना अपयशाचा सामना करावा लागला. अररिया मतदारसंघात त्यांना ४०८५ मतदान मिळाले आहे. तेथे काँग्रेसच्या विजयी उमेदवाराला ९१,५२९ मते मिळाली आहेत. तर जमालपूर मतदारसंघात वृत्त लिहिपर्यंत २८ व्या फेरीअखेर त्यांना १५५२८ मते मिळाली. ते तिसऱ्या क्रमांकावर होते तर जनता दलाचे उमेदवार नचिकेत मंडल यांना ९६,३०३ मते मिळाली.
खाकी सोडून खादी अंगावर चढविणाऱ्या लांडेंना मोठा धक्का बसला आहे. भारतीय पोलिस सेवेत बिहारमध्ये कारकीर्द गाजविणारे लांडे यांनी राजीनामा देऊन हिंदसेना नावाचा पक्ष स्थापन करीत निवडणूक लढविण्याचा निर्णय घेतला होता. त्यांच्या पक्षाला मान्यता न मिळाल्याने त्यांनी स्वतः अपक्ष म्हणून अररिया व जमालपूर या दोन मतदारसंघातून भाग्य आजमाविले, त्यात त्यांना अपयश आले. अररिया मतदारसंघात काँग्रेसचे अबिदूर रहमान विजयी झाले आहेत, तर शिवदीप लांडे यांना चौथ्या क्रमांकाची मते मिळाली आहेत.
Web Summary : Former IPS officer Shivdeep Lande, contesting as an independent in Bihar's Araria and Jamalpur, faced defeat. He secured 4085 votes in Araria. Lande, who resigned from the police force to enter politics, contested unsuccessfully after forming his party, Hind Sena, which did not get official recognition. He stood third in Jamalpur.
Web Summary : बिहार के अररिया और जमालपुर से निर्दलीय चुनाव लड़ने वाले पूर्व आईपीएस अधिकारी शिवदीप लांडे को हार का सामना करना पड़ा। उन्हें अररिया में 4085 वोट मिले। पुलिस बल से इस्तीफा देकर राजनीति में आए लांडे ने अपनी पार्टी, हिंद सेना बनाकर चुनाव लड़ा, जिसे आधिकारिक मान्यता नहीं मिली। जमालपुर में वे तीसरे स्थान पर रहे।