तेल्हारा : यूपीएससीची परीक्षा उत्तीर्ण होऊन मुलाखतीसाठी पात्र ठरलेल्या देवानंद तेलगोटे याच्यावर हैदराबाद येथे उपचार सुरू आहे. उपचारादरम्यान त्याचे फुप्फुस निकामी झाले असून, फुप्फुस ट्रान्सप्लांट करण्यासाठी पुन्हा एक कोटी रुपयांच्या मदतीची गरज आहे. त्यासाठी सुहृद व दानशूर समाजाने पुढाकार घेत, मदतीचा हात द्यावा, असे आवाहन मित्र व नातेवाइकांनी केले आहे.
देवानंद सुरेश तेलगोटे हा आयआयटी मुंबई येथून बी.टेक. झाला. केंद्रीय लोकसेवा आयोगाची मुख्य परीक्षा पास करून तो मुलाखतीस पात्र ठरला. एप्रिल महिन्यात दिल्ली येथे मुलाखतीसाठी गेला असता, त्याला तेथे कोरोनाची लागण झाली होती. मात्र, कोरोनामुळे मुलाखत पुढे ढकलली. त्याच्यावर अकोला येथील खासगी रुग्णालयात २८ एप्रिल ते १४ मेपर्यंत उपचार करण्यात आले; परंतु त्याच्या प्रकृतीमध्ये सुधारणा न झाल्याने त्याला अकोला येथून हैदराबाद येथील केआयएमएस हॉस्पिटलमध्ये एअर ॲम्ब्युलन्सने हलविण्यात आले होते. डॉक्टरांनी १५ मे ते १३ जूनपर्यंत त्याच्या फुप्फुसामध्ये सुधारणा व्हावी, यासाठी ईसीएमओ प्रक्रियेद्वारे उपचार केले. प्रकृतीत सुधारणा होत असताना, त्याला आयसीयूमधून बाहेर काढले होते; परंतु अचानक त्याचे हृदय बंद पडल्याने आणि फुप्फुस निकाली झाल्यामुळे तो आता व्हेंटिलेटरवर आहे. अशा परिस्थितीत डॉक्टरांनी देवानंदच्या कुटुंबीयांना फुप्फुस ट्रान्सप्लांट करावे लागेल आणि त्यासाठी १ कोटी रुपयांपर्यंत खर्च लागणार असल्याचे सांगितले. यापूर्वी त्याच्या मित्रांनी जमा केलेला एक कोटी रुपये निधी देवानंद याच्या उपचारावर खर्च करण्यात आला. देवानंद याच्या उपचारावर प्रत्येक दिवशी २ लाखांपर्यंत खर्च येत आहे. त्यामुळे समाजातील दानशूर, सुहृद नागरिकांनी आर्थिक मदतीसाठी पुढे यावे, असे आवाहन देवानंदच्या कुटुंबीयांसह त्याच्या मित्र परिवाराने केले आहे.
फोटो:
सुहृद समाजाने द्यावा मदतीचा हात...
देवानंद तेलगोटे याचे फुप्फुस ट्रान्सप्लांट करण्यासाठी १ कोटी रुपयांचा खर्च आहे. त्यामुळे दानशूर समाजाने त्याला मदतीचा हात देऊन त्याचा प्राण वाचवावा, असे आवाहन करण्यात आले. नागरिकांनी सुमित कोठे
फोन पे, गुगल पे ८४४६७६९७०४, खाते क्रमांक ३३१३५५२४३९२ आयएफएससी कोड-एसबीआयएन ०००४८१८, सुरेश तेलगोटे (देवानंदचे वडील)
खाते क्रमांक ११५५५२२०५१४ आयएफएससी कोड- एसबीआयएन ०००४८१८ यावर आर्थिक मदत द्यावी. यासंबंधी अधिक माहितीसाठी शुभम गावंडे- ७०२१९२२०८४१ वर संपर्क साधावा.