अकोला जिल्हय़ात सिकलसेलचे १३७ रुग्ण!

आज जागतिक सिकलसेल दिन; ४,२७,२११ लोकांची तपासणी; २0६६ जण वाहक.

अतुल जयस्वाल / अकोला : सिकलसेल हा रक्ताशी संबंधित विकार असून, जनुकीय दोषांमुळे हा आजार होतो. जिल्हय़ात या आजाराचे १३७ रुग्ण असून, २0६६ लोक या आजाराचे वाहक असल्याचे आरोग्य विभागाने केलेल्या तपासणीतून पुढे आले आहे. हिमोग्लोबिनमध्ये दोष निर्माण करणार्‍या या आजारावर कोणताही खात्रीलायक उपाय अद्यापपर्यंंत उपलब्ध नसला, तरी योग्य देखभाल व लक्षणांनुसार उपाययोजना केल्यास हे रुग्ण सामान्य जीवन जगू शकतात. सिकलसेलबाबत लोकांमध्ये जागरुकता निर्माण करण्यासाठी दरवर्षी १९ जून हा जागतिक सिकलसेल दिवस म्हणून साजरा केला जातो. या रोगाबाबत लोकांमध्ये प्रचंड अज्ञान असून, अनेकांना या रोगाबाबत माहिती नाही. हा आजार झालेल्या रुग्णांच्या रक्तपेशी कोयत्याच्या आकाराच्या होतात. रुग्णाची बाहय़तपासणी करून त्याचे निदान करता येत नाही. याकरिता रुग्णाची ह्यहिमोग्लोबीन इलेक्टोफोरोसीसह्ण ही विशिष्ट चाचणी करावी लागते. या आजारात वेगवेगळी लक्षणे दिसून येतात. रक्तपेशी कोयत्याच्या आकाराच्या झाल्यामुळे त्या एकमेकांना जोडल्या जाऊन, रक्तवाहिन्यांमध्ये अडकून पडतात. त्यामुळे रुग्णांच्या हाता-पायांमध्ये प्रचंड वेदना होतात. अशावेळी रुग्णांना बाहेरून रक्त द्यावे लागते. जिल्हय़ात २0११-१२ पासून सिकलसेल आजार नियंत्रण कार्यक्रम राबविण्यात येत असून, आतापर्यंत ४,२७,२११ लोकांची तपासणी आरोग्य विभागामार्फत करण्यात आली आहे. यामध्ये १३७ लोकांना हा आजार असल्याचे आढळून आले असून, २0६६ जण या आजाराचे वाहक (कॅरिअर) आहेत. वाहक असलेल्यांमध्ये कोणतीही लक्षणे आढळत नाहीत. या आजारावर थेट उपचार नाहीत. रुग्णांमध्ये दिसणार्‍या लक्षणांप्रमाणे त्यांच्यावर उपाययोजना करावी लागते. या आजारावर कायमस्वरूपी उपचार करता येतात का, याबाबत संशोधन सुरू आहे.