Radhakrishna Vikhe criticizes Home Department's failure to kill Gautam Hiran, Radhakrishna Vikhe criticizes Hiran's failure to kill deer | गौतम हिरण यांची हत्या हे गृहविभागाचे अपयश; राधाकृष्ण विखे यांची टीका, अधिवेशनात उमटले पडसाद

गौतम हिरण यांची हत्या हे गृहविभागाचे अपयश; राधाकृष्ण विखे यांची टीका, अधिवेशनात उमटले पडसाद

श्रीरामपूर : बेलापूर येथील व्यापारी गौतम हिरण यांच्या हत्येवरून विधानसभेत विरोधी भारतीय जनता पक्षाने गृहमंत्री अनिल देशमुख यांना घेरले आहे. विरोधी पक्षनेते देवेंद्र फडणवीस यांच्यानंतर भाजप नेते आमदार राधाकृष्ण विखे यांनीही गृहविभागाच्या कार्यपद्धतीवर सोमवारी टिकेची झोड उठविली आहे. विखे यांनी या घटनेवर गृहमंत्र्यांना तातडीने निवेदन सादर करण्याची मागणी केली.

अधिवेशनात दोन दिवसांपूर्वीच देवेंद्र फडणवीस यांनी हिरण यांच्या हत्येचा प्रश्न उपस्थित केला होता. त्यांनी यावेळी घटनेचा काही तपशील मांडला. सोमवारी विखे यांनी गृहखात्याचे सरकारवर कोणतेही नियंत्रण राहिलेले नाही. पोलीस सामान्यांवर धाक दाखवत आहेत. मात्र गुंड मोकाट राहिल्याचे ते म्हणाले. 

हिरण यांचे अपहरण झाल्यानंतर स्थानिक पोलीस प्रशासनाला व्यापा-यांनी सर्व माहिती दिली होती. जिल्हा पोलीस प्रमुखांना निवेदन देण्यात आले होते. परंतु त्याबाबत गांभीर्य दाखविले गेले नाही. हिरण यांचे वडील स्वातंत्र्यसेनानी होते. त्यामुळे अशा कुटुंबातील व्यक्तीची हत्या खेदनजनक आहे. या प्रकरणाचा तातडीने छडा लावावा. गृहमंत्री अनिल देशमुख यांनी यावर निवेदन सादर करावे, अशी मागणी अशी विखे यांनी केली. 

पोलिसांच्या कामगिरीवर आमचा आक्षेप नाही. मात्र मूठभर लोकांमुळे गृहखाते बदनाम होत आहे. हिरण यांचा दुर्दैवाने मृत्यू झाला आहे. आता मागे जाता येणार नाही. मात्र पुढील काळात अशा प्रकारची कोणतीही घटना घडता कामा नये याची खबरदारी घेतली जावी असे विखे म्हणाले.

 

Web Title: Radhakrishna Vikhe criticizes Home Department's failure to kill Gautam Hiran, Radhakrishna Vikhe criticizes Hiran's failure to kill deer

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.