नेहमीप्रमाणे यंदा मकरसंक्रांत १४ जानेवारीला आहे. साधारणपणे एक जानेवारीनंतर मकरसंक्रांतीचे वेध लागतात. मकरसंक्रातीच्या पार्श्वभूमीवर बाजारात आढावा घेतला असता तीळ, गुळ आणि साखरेचे दर स्थिर असल्याचे स्पष्ट झाले. राज्यात साखरेचे मोठ्या प्रमाणावर उत्पादन झाले. त्यामुळे साखरेचा साठा मुबलक प्रमाणात आहे. त्यामुळे गेल्या काही दिवसांपासून साखरेचे दर स्थिर आहेत. सध्या तीन हजार रुपये प्रति क्विंटल साखरेचा दर आहे. गत महिन्यात आणि सध्याही हेच दर असून ते स्थिर आहेत. मकरसंक्रांतीच्या पार्श्वभूमीवर साखर, गूळ आणि तीळाचे दर वाढण्याची शक्यता आहे, असे व्यापाऱ्यांनी सांगितले. दरम्यान सध्या तेलाचे भाव मात्र वाढले असून १२० ते १३४ रुपये प्रतिकिलो आहेत.
-------------
साखरेचे दर टिकून आहेत. सध्या साखरेचा साठा मुबलक प्रमाणात आहे. राज्यात उसाचे पीक जोमात आहे. तसेच गतवर्षी साखरेचे उत्पादनही मोठ्या प्रमाणावर झालेले आहे. बाजारातही फारशी मागणी नाही. लग्नसराई सुरू असली तरी कमी उपस्थितीमध्ये लग्नकार्य होत आहेत. त्यामुळे साखरेला पूर्वीइतकी मागणी नाही.
-कमलेश भंडारी, साखरेचे ठोक व्यापारी
----------------
कोरोनामुळे सुट्टा किंवा मोकळा गूळ घेण्यापेक्षा ग्राहक एक किलोची ढेप किंवा छोट्या आकाराच्या ढेपांना मागणी करीत आहेत. सध्या हा गूळ किरकोळ बाजारात ४० ते ५० रुपये किलो आहे. मकरसंक्रांतीच्या सणाला आणखी २० दिवस आहेत. तोपर्यंत बाजारात साखर, गुळ, तिळाची मागणी वाढेल व दरही वाढण्याची शक्यता आहे.
-संजय साखरे, किराणा मालाचे व्यापारी
------------
तीळ भाव
नगरच्या बाजारात सध्या तिळाचा भाव १४० रुपये किलो आहे. हा भाग गेल्या काही दिवसांपासून तेवढाच आहे. सध्या तिळाला एवढी मागणी नाही. एक जानेवारीनंतर मागणी वाढून तिळाचे भाव आणखी वाढतील. गतवर्षी ऐन संक्रांतीच्या काळात तीळाचा भाव २०० रुपये किलोपर्यंत गेला होता.
-------------
गुळ भाव
गुळाचा भावही १० रुपये कमी किंवा जास्त होतो. तसेच सध्या गुळाचेही भाव स्थिर आहेत. किरकोळ बाजारात गूळ ५० ते ५५ रुपये किलोने मिळतो. रासायनिक गुळापेक्षा सेंद्रिय गुळाचा भाव १० ते २० रुपयांनी जास्त आहे.
----------
साखर
ठोक बाजारात साखरेला ३ हजार रुपये क्विंटल (अधिक जीएसटी) दर आहे. किरकोळ बाजारात गत महिन्यात ३८ रुपये किलो असलेली साखर आणखी दोन ते चार रुपयांनी कमी झाली आहे. चांगली साखर ३५ ते ३६ रुपये किलो मिळते. साखरेच्या प्रतवारीनुसार साखरेचा दर कमी जास्त आहे.
---------
नेटफोटोत- २४ संक्रांत डमी
फोटो- २४ तीळगूळ