नान्नज दुमाला येथील माजी सरपंच बाबासाहेब नबाजी कडनर यांनी जिल्हाधिकारी, अहमदनगर यांच्याकडे विवाद अर्ज दाखल केला होता. त्यात लोकनियुक्त सरपंच भीमराज नामदेव चत्तर व निवडणूक निर्णय अधिकारी तथा तहसीलदार संगमनेर यांना प्रतिवादी करण्यात आले होते. बाबासाहेब कडनर यांचा विवाद जिल्हाधिकारी डॉ. राजेंद्र भोसले यांनी मंजूर केला महाराष्ट्र ग्रामपंचायत अधिनियम कलम १४ ( ब) मधील तरतुदीनुसार मुदतीत निवडणूक खर्च सादर केल्याने पंचायत सदस्य राहण्यास अपात्र ठरवीत भीमराज चत्तर यांचे लोकनियुक्त सरपंच रद्द केले. त्याशिवाय पुढील पाच वर्षांसाठी ग्रामपंचायत निवडणूक लढविण्यास अपात्र ठरविले आहे.
लोकनियुक्त सरपंचपद रद्द झालेले भीमराज चत्तर भाजपाचे माजी तालुकाध्यक्ष आहेत. तर विवाद अर्ज दाखल करणारे बाबासाहेब कडनर हे महसूलमंत्री बाळासाहेब थोरात यांचे समर्थक काँग्रेस पक्षाचे कार्यकर्ते आहेत.