Ahilyanagar Marathi News | अहिल्यानगर मराठी बातम्या | Latest Ahilyanagar News in Marathi | अहिल्यानगर ताज्या बातम्या | Ahilyanagar Crime Marathi News | अहिल्यानगर ब्रेकिंग न्यूज़| Breaking & Live Ahilyanagar News | Ahilyanagar Local News Update| Today's Ahilyanagar News paper

अहमदनगर : मुलांना शाळेत सोडण्यासाठी गेलेली पत्नी व दोन लहान मुले जत (जि. सांगली) तालुक्यातून बेपत्ता झाली असल्याची तक्रार शिक्षक सुभाष कचरे यांनी जत पोलिस ठाण्यात दिली आहे. पाच दिवसांनंतरही अद्याप या कुटुंबाचा शोध लागलेला नाही.सुभाष दत्तात्रय कचरे (वय ३५, मूळ राहणार पळसुंदे, ता. अकोले, जि. अहमदनगर) हे गेल्या काही वर्षांपासून जत तालुक्यातील एका हायस्कूलमध्ये शिक्षक म्हणून कार्यरत आहेत. ते आपली पत्नी सोनाली (वय ३० वर्षे), मुले अर्णव (वय ६ वर्षे) व शिवम (वय ३.५ वर्षे) यांच्यासोबत जतमध्ये राहतात. दि. २८ जून रोजी सकाळी नेहमीप्रमाणे ते हायस्कूलवर शिकवण्यासाठी घरातून निघून गेले. सकाळी अकराच्या सुमारास त्यांची पत्नी सोनाली हिस फोन करून मुलांना शाळेत सोडले का? असे त्यांनी विचारले. त्यावर मुलांना शाळेत सोडायलाच चालले आहे, असे तिने सांगितले. त्यानंतर तिचा फोन बंद झाला. शाळेतून घरी आल्यानंतर माझे कुटुंब घरी नव्हते. शेजारी चौकशी केली असता दुपारपासून घर बंद असल्याचे सांगण्यात आले. त्यानंतर लगेच कचरे यांनी जत पोलिसांत कुटुंब बेपत्ता असल्याची तक्रार दिली.गेल्या पाच दिवसांपासून हे दोन लहान मुले व पत्नी बेपत्ता असून पोलिसांना अद्याप कोणताही सुगावा लागलेला नाही. शाळेत गेलेली मुले व पत्नी गायब कसे झाले, याचा शोध पोलिसांनी तातडीने घ्यावी, अशी मागणी या शिक्षकाने पोलिसांकडे केली आहे.सर्व नातेवाइकांकडे विचारपूससुभाष कचरे यांनी सर्व नातेवाइकांकडे याबाबत विचारणा केली, मात्र अद्याप या कुटुंबाचा शोध लागलेला नाही. त्यांचे बरेचसे नातेवाईक जतमध्ये आले असून कसून शोधमोहीम सुरू आहे.सीसीटीव्ही, लोकेशन तपासण्याची मागणीकचरे यांची पत्नी मुलांना शाळेत सोडायला गेली होती. परंतु ती घरी आलीच नाही. शाळेत चौकशी केली असता मुले शाळेत आलीच नसल्याची माहिती मिळाली. त्यामुळे हे तिघे कोठे गेले? त्यांचे कोणी अपहरण केले की आणखी काय? याबाबत प्रश्न उपस्थित होत आहेत. त्यामुळे पोलिसांनी आसपासचे सीसीटीव्ही तपासून, तसेच कचरे यांच्या पत्नीच्या मोबाइल लोकेशनवरून त्यांचा शोध लावावा, अशी मागणी नातेवाईकांनी केली आहे.

Ahilyanagar (Marathi News)

या पडताळणीची प्रक्रिया खातेप्रमुखांकडून व्यवस्थित होताना दिसत नसल्याचे समोर येत आहे. ...

राज्यात २०१० पासून शिक्षकांची भरती झालेली नाही ...

एप्रिलपर्यंत एकही टँकर जिल्ह्यात सुरू नव्हता ...

प्रभागातील विकासकामांसाठी नगरसेवकांना त्यांच्या हक्काचा निधीही मिळत नाही. ...

यापूर्वीही याच मंदिराचा कळस चोरून नेण्याची घटना घडली होती ...

रविवारी अजित पवार यांनी राष्ट्रवादीचा एक गट फोडून भाजपसोबत सत्तेत सहभाग घेतला. ...

समृद्धी महामार्गावर अपघाताची मालिका सुरूच आहे. ...

गेल्या पाच दिवसांपासून हे दोन लहान मुले व पत्नी बेपत्ता असून पोलिसांना अद्याप कोणताही सुगावा लागलेला नाही. ...