इंडिका कारसह हिरा गुटखा, सुंगधी पानमसाला जप्त

श्रीगोंदा : पोलिसांनी मांडवगण रोडवरील गणपती माळाजवळ एका ठिकाणी छापा टाकून आढळगाव येथील गुटखाकिंग विशाल बाळासाहेब बोथरे, नवनाथ बाळू शिंदे या दोघांना अटक केली.

श्रीगोंदा : श्रीगोंदा पोलिसांनी मांडवगण रोडवरील गणपती माळाजवळ एका ठिकाणी छापा टाकून आढळगाव येथील गुटखाकिंग विशाल बाळासाहेब बोथरे, नवनाथ बाळू शिंदे या दोघांना अटक केली. त्यांच्याकडून इंडिका कारसह हिरा गुटखा, सुंगधी पानमसाला असा एक लाखाचा मुद्दे जप्त केला. शनिवारी रात्री नऊ वाजता ही कारवाई केली.   पोलिसांनी संशयावरून इंडीका कारची झाडाझडती घेतली असता गुटखा तस्करीचे बिंग फुटले. विशाल बोथरे, नवनाथ शिंदे यांनी कारमधील गुटखा काढून दिला. पुढील तपास पोलीस हेड कॉन्स्टेबल आर. बी. झुंजार करीत आहेत. पोलीस हेड काॅस्टेबल प्रताप देवकाते यांनी याबाबत पोलिसात फिर्याद दिली आहे.