कोपरगाव नगरपरिषदेमध्ये मंगळवारी (दि. १२) झालेल्या स्थायी समितीच्या बैठकीत कोल्हे गटाच्या नगरसेवकांनी शहरातील विकासकामांना मंजुरी न दिल्याच्या निषेधार्थ राष्ट्रवादी काँग्रेसच्या नगरसेवकांनी बुधवारी (दि. १३) छत्रपती शिवाजी महाराज स्मारकासमोर एक दिवसीय लाक्षणिक उपोषण केले होते. त्याचा भाजप, शिवसेना तसेच मित्र पक्षाच्या नगरसेवकांनी गुरुवारी (दि. १४) पत्रकार परिषद घेऊन समाचार घेतला.
संधान म्हणाले, कोपरगाव शहराच्या विकासाच्या दृष्टीने गेली चार वर्षे एकही काम शिवसेना - भाजप मित्रपक्षाच्या नगरसेवकांनी नामंजूर केलेली नाही. परंतु, नगरपरिषदेने काढलेल्या निविदेमध्ये एकूण २८ कामांचा समावेश असताना मात्र स्वतःच्या लाभाचीच १२ कामे मीटिंगसमोर आणली होती. सर्वच कामे मंजुरीसाठी यावीत असा आमचा नगरसेवकांचा आग्रह होता. विशेष म्हणजे ही सर्व कामे १४ व्या वित्त आयोगातून व नगरपालिकेच्या फंडातून होणार आहेत. यामध्ये विद्यमान आमदारांचा कवडीचाही निधी नाही. मात्र, राष्ट्रवादीचे नगरसेवक सोशल मीडियावर हा निधी आमदारांनी आणला आहे अशा खोट्या बातम्या देत आहेत. या गोष्टीचा आम्ही जाहीर निषेध करतो. विरोधी नगरसेवक त्यांचे हेच पाप झाकण्यासाठी कोल्हे गटाचे नगरसेवक विकासाला विरोध करीत असल्याचा खोटा डांगोरा पिटत आहेत. सध्या नगर परिषदेत काळे गट, नगराध्यक्ष, मुख्याधिकारी व बांधकाम अभियंता यांची सहमती एक्स्प्रेस सुसाट सुटली आहे.
राष्ट्रवादीच्या नगरसेवकांनी स्वतःच्या सत्तेचा गैरफायदा घेत नगर परिषद व पोलीस प्रशासनाला हाताशी धरून लाक्षणिक उपोषणाला बसले. वास्तविक पाहता कोपरगाव शहरात कोरोनाच्या पार्श्वभूमीवर जमावबंदी लागू केलेली असताना प्रशासनाने या उपोषणाला परवानगी दिलीच कशी, असा टोलाही उपस्थित पदाधिकाऱ्यांनी विरोधकांना लगावला आहे. यावेळी भाजप नेते पराग संधान, उपनगराध्यक्ष स्वप्निल निखाडे, नगरसेवक कैलास जाधव, विजय वाजे, योगेश बागुल, जनार्दन कदम, माजी नगराध्यक्ष संजय सातभाई, बबलू वाणी, विजय आढाव यांच्यासह भाजप शिवसेना व मित्रपक्षाचे पदाधिकारी उपस्थित होते.
..........
फोटो१४- प्रेस
140121\img_20210114_151001.jpg
कोपरगाव पत्रकार परिषदेत बोलताना भाजपा नेते पराग संधान, समवेत स्वप्नील निखाडे, कैलास जाधव, विजय वाजे, योगेश बागुल, जनार्दन कदम, माजी संजय सातभाई, बबलू वाणी, विजय आढाव आदी.