...........
वीजपंप, केबल चोरले
अहमदनगर : शेवगाव तालुक्यातील खुंटेफळ येथून चोरट्यांनी १ इलेक्ट्राॅनिक पंप व केबल चोरून नेली. १ ते २ एप्रिल दरम्यान ही घटना घडली. याप्रकरणी ४ एप्रिल रोजी शेवगाव पोलीस ठाण्यात दादासाहेब देविदास मोरे यांनी दिलेल्या फिर्यादीवरून चोरट्यांविरोधात गुन्हा दाखल करण्यात आला आहे. याप्रकरणी पोलीस नाईक शेळके हे पुढील तपास करत आहेत.
.............
मोटारसायकल चोरली
अहमदनगर : शहरातील माळीवाडा बसस्थानक परिसरातून चोरट्यांनी मोटारसायकल चोरून नेली. ४ एप्रिल रोजी ही घटना घडली. याप्रकरणी कोतवाली पोलीस ठाण्यात धनंजय दादासाहेब मुसळे यांनी दिलेल्या फिर्यादीवरून चोरट्याविरुद्ध गुन्हा दाखल करण्यात आला आहे. पोलीस नाईक दाणी हे या प्रकरणी पुढील तपास करत आहेत.
..........
कारच्या धडकेत दुचाकीस्वार जखमी
अहमदनगर : जामखेड रोडवरील सांडवा फाटा शिवारात कार चालकाने दिलेल्या धडकेत दुचाकीस्वार जखमी झाला. २ एप्रिल रोजी दुपारी साडेतीन वाजता ही घटना घडली. आनंद एकनाथ गीते असे अपघातात जखमी झालेल्या तरुणाचे नाव आहे. याप्रकरणी ४ एप्रिल रोजी विशाल एकनाथ गीते यांनी नगर तालुका पोलीस ठाण्यात दिलेल्या फिर्यादीवरून सदर कारचालकाविरोधात गुन्हा दाखल करण्यात आला आहे. या प्रकरणी पोलीस नाईक पालवे हे पुढील तपास करत आहेत.