केडगाव : नगर तालुक्यातील गुंडेगाव येथील ८५० हेक्टरवर वनक्षेत्र म्हणून ओळख असलेल्या परिसरात निसर्ग सौंदर्य खुलले असून झाड, फुलं, लहान लहान झरे यांना बहर आला आहे. परंतु, या परिसरात कोरोनाच्या पार्श्वभूमीवर पर्यटकांना येण्यास बंदी घातली आहे.
वनक्षेत्रातील प्राचीन काळातील हेमाडपंथी शुढळेश्वर मंदिर, गोसावी मंदिर, कोथूळ खंडोबा मंदिर परिसर निसर्गसौंदर्य पावसाळ्यात खुलले आहे. दरम्यान तालुक्यात फारसा पाऊस नसला तरी सुरूवातीच्या पावसामुळे येथील निसर्गाने सौंदर्याची उधळण केली आहे. जून महिन्याच्या प्रारंभी पावसाला सुरुवात झाली. त्यानंतर पावसाने उघडीप दिली. परंतु, तरीही गुंडेगाव येथील डोंगर, निसर्ग खुलला आहे. गुंडेगावच्या परिसरात निसर्ग सहलींसाठी येणाऱ्यांना रोखण्यासाठी ग्रामसुरक्षा दल असून हौशी पर्यटकांवर कडक करवाई करण्यात येणार आहे. दरवर्षी या वनक्षेत्रात पर्यटकांची गर्दी असते. परंतु, यंदा मात्र काेरोना संकटामुळे वनविभागाने पर्यटकांना पर्यटनास मनाई केली आहे.
----
गुंडेगाव वनक्षेत्रात निसर्गाचे सौंदर्य फुलले आहे. दरवर्षी अनेक फॅमिली सहली, पर्यटक येथे येतात. कोरोना विषाणूचा प्रादुर्भाव रोखण्यासाठी पर्यटकांनी ही नियमांचे काटेकोर पालन करावे.
-संजय भापकर,
गुंडेगाव, निसर्ग व सामाजिक प्रदूषण निवारण मंडळ प्रसिद्धी प्रमुख
180721\5953img-20210718-wa0300.jpg
गुंडेगाव फोटो