कृषीपंप जोडणीसंदर्भात महावितरणच्या अभियंत्यांशी चर्चा !

वाशिम - थकित देयकापोटी कृषीपंपाचा वीजपुरवठा थेट खंडित केला जात असल्याने शेतकरी हवालदिल झाले. याप्रकरणी आमदार अमित झनक यांनी महावितरणच्या अधीक्षक अभियंत्यांशी मंगळवारी चर्चा करीत यावर तोडगा काढण्याची मागणी केली.

ठळक मुद्देआमदार झनक यांचा पुढाकार पुरवठा खंडित न करण्याची मागणी

वाशिम - थकित देयकापोटी कृषीपंपाचा वीजपुरवठा थेट खंडित केला जात असल्याने शेतकरी हवालदिल झाले. याप्रकरणी आमदार अमित झनक यांनी महावितरणच्या अधीक्षक अभियंत्यांशी मंगळवारी चर्चा करीत यावर तोडगा काढण्याची मागणी केली.

गतवर्षीच्या तुलनेत यावर्षी पाऊस समाधानकारक झाला नाही. मृग नक्षत्रात पाऊस गायब झाल्याने काही शेतकºयांना दुबार पेरणी तर काही शेतकºयांना विलंबाने पेरणी करावी लागली. त्यानंतरही पावसात सातत्य नव्हते. सोयाबीनला शेंगा धरण्याच्या कालावधीत पाऊस गायब झाला. त्यामुळे उत्पादनात प्रचंड घट आली. खरिप हंगामातील उणीव भरून काढण्यासाठी आता रब्बी हंगामावर शेतकºयांनी लक्ष केंद्रीत केले आहे. मात्र, थकित बिलापोटी आता शेतकºयांना महावितरणचा ‘शॉक’ बसत आहे. आर्थिक अडचणींमुळे थकित देयकाचा भरणा तातडीने आताच करणे शक्य नसल्याचे काही शेतकºयांचे म्हणणे आहे. यासंदर्भात जऊळका रेल्वे, बेलखेडा किन्हीराजा, खेर्डा परिसरातील अनेक शेतकºयांनी आमदार अमित झनक यांच्याकडे समस्या मांडली. याची दखल घेत झनक यांनी महावितरणचे अधीक्षक अभियंत्यांचे कार्यालय गाठून अधीक्षक अभियंता व्ही.बी.बेथारिया यांच्यासमोर शेतकºयांच्या व्यथा मांडल्या. याप्रकरणी तोडगा काढण्याची मागणी केली. थकित शेतकºयांनी १५०० ते २००० रुपयांदरम्यान देयकाचा भरणा केला आणि उर्वरीत रक्कम टप्प्याटप्प्याने अदा केली तर कृषीपंप पुरवठा खंडित करू नये, असे ठरविण्यात आले. शेतकºयांच्या व्यथा जाणून सहानुभूतीपूर्वक विचार करण्याची मागणी झनक यांनी केली. सुरूवातीला १५०० ते दोन हजार रुपयादरम्यान देयकाचा केल्यानंतर कृषीपंपाचा वीजपुरवठा खंडित न करण्याची ग्वाही महावितरणच्या अभियंत्यांनी दिली. यावेळी कार्यकारी अभियंता तायडे, पं.स. सभापती गजानन भोने, बबन पाटील गारडे, काँग्रेस मीडिया सेलचे जिल्हाध्यक्ष संतोष बाजड यांच्यासह १०० ते १५०  शेतकºयांची उपस्थिती होती.