निगडीत टोळक्याकडून चार वाहनांचे नुकसान

निगडीतील ट्रान्सपोर्टनगर येथे दुचाकीवरून आलेल्या टोळक्याने चार ते पाच वाहनांची तोडफोड केली.

पिंपरी : निगडीतील ट्रान्सपोर्टनगर येथे दुचाकीवरून आलेल्या टोळक्याने चार ते पाच वाहनांची तोडफोड केली. ही घटना शनिवारी रात्री नऊच्या सुमारास घडली . वारंवार घडणाऱ्या वाहन तोडफोडीच्या घटनांमुळे शरवासीय दहशतीखाली आहेत.

तीन दिवसांपूर्वीच  देहूरोड बाजारपेठेत पाच-सहा दुचाकींवरुन आलेल्या दहा-बारा जणांच्या सशस्त्र टोळक्याने वाहनांची तोडफाड करीत धुमाकुळ घातला. यासह शहरातही वाहन तोडफोडीचे प्रमाण वाढले आहे. शनिवारी रात्री निगडीतील ट्रान्सपोर्ट नगर येथील पीएमपी आगारासमोर उभ्या असलेल्या दोन मोटारी व दोन दुचाकींची टोळक्याने तोडफोड केली. यामध्ये वाहनांचे मोठ्याप्रमाणात नुकसान झाले . घटनेची माहिती मिळताच पोलीस घटनास्थळी दाखल झाले.