कोण जिंकणार गुजरात ? मतदानाच्या फायनल राऊंडला झाली सुरुवात

गुजरात विधानसभा निवडणुकीतील दुस-या टप्प्यातील  93 जागांसाठी मतदान सुरु झाले आहे. एकूण 851 उमेदवार रिंगणात आहेत.

ठळक मुद्देपहिल्या टप्प्यात 66 टक्ते मतदान झाले, 2012 च्या तुलनेत पहिल्या टप्प्यात चार ते पाच टक्के मतदान कमी झाले. दुस-या टप्प्यात शहरी मतदारसंघ जास्त असून शहरी भागात भाजपाचे ब-यापैकी वर्चस्व आहे.

अहमदाबाद - गुजरात विधानसभा निवडणुकीतील दुस-या टप्प्यातील  93 जागांसाठी मतदान सुरु झाले आहे. एकूण 851 उमेदवार रिंगणात असून दुस-या टप्प्यात मध्य आणि उत्तर गुजरातमध्ये मतदान होत आहे. पंतप्रधान नरेंद्र मोदी आणि काँग्रेसचे नवनियुक्त अध्यक्ष राहुल गांधी यांच्यासाठी ही निवडणूक अत्यंत प्रतिष्ठेची असल्याने भाजपा आणि काँग्रेसने पूर्ण ताकदीने प्रचार केला आहे. 

9 डिसेंबरला पहिल्या टप्प्यात कच्छ, सौराष्ट्र आणि दक्षिण गुजरातमधल्या 89 जागांसाठी मतदान झाले होते. पहिल्या टप्प्यात 66 टक्ते मतदान झाले होते. 2012 च्या तुलनेत पहिल्या टप्प्यात चार ते पाच टक्के मतदान कमी झाले. त्यामुळे दुस-या टप्प्यात मतदानाची टक्केवारी वाढवण्याचा सर्वच पक्षांचा प्रयत्न असेल. दुस-या टप्प्यात शहरी मतदारसंघ जास्त असून शहरी भागात भाजपाचे ब-यापैकी वर्चस्व आहे. अहमदाबादच्या लढतीकडे सगळयांचे लक्ष लागले आहे. 18 डिसेंबरला गुजरात आणि हिमाचल प्रदेश विधानसभा निवडणुकीचा निकाल जाहीर होईल. 

Hardik Patel's parents pray as voting for second phase of #GujaratElection2017 begins pic.twitter.com/YZAaAtMWL6

— ANI (@ANI) December 14, 2017

 

मध्य गुजरातमध्ये विधानसभेच्या एकूण 38 जागा आहेत. मध्य गुजरातमध्ये आनंद, खेडा, वडोदरा, पंचमहाल, दाहोद हे जिल्हे आहेत. 2012 मध्ये भाजपाने मध्य गुजरातमध्ये 38 पैकी 20 जागा जिंकल्या होत्या. उत्तर गुजरातमध्ये 53 जागा आहेत. 2012 च्या विधानसभा निवडणुकीत भाजपाने इथे 32 आणि काँग्रेसने 21 जागा जिंकल्या होत्या. दुस-या टप्प्याच्या मतदानासाठी 25,558 मतदान केंद्रे उभारण्यात आली आहेत. गुजरातचे उपमुख्यमंत्री नितीन पटेल, युवा नेते अल्पेश ठाकोर, जिग्नेश मेवानी या लढतींकडे सगळयांचेच लक्ष लागले आहे.

PM Modi's mother Heeraben arrives to cast her vote in a polling booth in Gandhinagar #GujaratElection2017pic.twitter.com/orVeaNEKY6

— ANI (@ANI) December 14, 2017

 

पंतप्रधान नरेंद्र मोदी, भाजपाचे राष्ट्रीय अध्यक्ष अमित शहा आणि केंद्रीय अर्थमंत्री अरुण जेटली आपापल्या मतदारसंघात मतदानाचा हक्क बजावतील. गुजरातच्या उज्वल भवितव्यांसाठी अधिकाधिक मतदान करण्याचे आवाहन  राहुल गांधी यांनी केले आहे. पंतप्रधान नरेंद्र मोदींनीही मोठया संख्येने मतदान करुन लोकशाहीच्या उत्सवाला समृद्ध करा असे म्हटले आहे. 

#GujaratElection2017 : Voting underway in Viramgam's polling booth number 252. This is PAAS leader #HardikPatel 's home town pic.twitter.com/gwz1ix19AU

— ANI (@ANI) December 14, 2017

 

जागांसाठी मतदान - 93
एकूण मतदार - 22296867
पुरुष मतदार - 11547435
महिला मतदार - 10748977
उमेदवार - 851
पुरूष- 782
महिला- 69